헬라어 문장 검색 - Πλυταρ́Μυλιερύ26́

(플루타르코스, Mulierum virtutes, Ερυξώ)

Βάττου τοῦ ἐπικληθέντοσ Εὐδαίμονοσ υἱὸσ Ἀρκεσίλαοσ · ἦν οὐδὲν ὅμοιοσ τῷ πατρὶ τοὺσ τρόπουσ ’ καὶ γὰρ ζῶντοσ ἔτι περὶ τὴν οἰκίαν περιθεὶσ ἐπάλξεισ ὑπὸ τοῦ πατρὸσ ἐζημιώθη ταλάντῳ·

καὶ τελευτήσαντοσ ἐκείνου, τοῦτο μὲν φύσει χαλεπὸσ ὤν ὅπερ καὶ ἐπεκλήθη, τοῦτο δὲ φίλῳ πονηρῷ, Λαάρχῳ, χρώμενοσ ἀντὶ βασιλέωσ ἐγεγόνει τύραννοσ. ὁ δὲ Λάαρχοσ ἐπιβουλεύων τῇ τυραννίδι καὶ τοὺσ ἀρίστουσ τῶν Κυρηναίων ἐξελαύνων ἢ φονεύων, ἐπὶ τὸν Ἀρκεσίλαον τὰσ αἰτίασ ἔτρεπε· καὶ τέλοσ ἐκεῖνον μὲν εἰσ νόσον ἐμβαλὼν φθινάδα καὶ χαλεπήν, λαγὼν πιόντα θαλάσσιον, διέφθειρεν, αὐτὸσ δὲ τὴν ἀρχὴν ἔσχεν ὡσ τῷ παιδὶ τῷ ἐκείνου Βάττῳ διαφυλάττων.

ὁ μὲν οὖν παῖσ καὶ διὰ τὴν χωλότητα καὶ διὰ τὴν ἡλικίαν κατεφρονεῖτο, τῇ δὲ μητρὶ πολλοὶ προσεῖχον αὐτοῦ· σώφρων τε γὰρ ἦν καὶ φιλάνθρωποσ οἰκείουσ τε πολλοὺσ καὶ δυνατοὺσ εἶχε. διὸ καὶ θεραπεύων αὐτὴν ὁ Λάαρχοσ ἐμνηστεύετο, καὶ τὸν Βάττον ἠξίου παῖδα θέσθαι γήμασ ἐκείνην, καὶ κοινωνὸν ἀποδεῖξαι τῆσ ἀρχῆσ· ἡ δ’ Ἐρυξὼ τοῦτο γὰρ ἦν ὄνομα τῇ γυναικὶ βουλευσαμένη μετὰ τῶν ἀδελφῶν, ἐκέλευε τὸν Λάαρχον ἐντυγχάνειν ἐκείνοισ, ὡσ αὐτῆσ προσιεμένησ τὸν γάμον. ἐπεὶ δ’ ὁ Λάαρχοσ ἐνετύγχανε τοῖσ ἀδελφοῖσ, ἐκεῖνοι δ’ ἐπίτηδεσ παρῆγον καὶ ἀνεβάλλοντο, πέμπει πρὸσ αὐτὸν ἡ Ἐρυξὼ θεραπαινίδα παρ’ αὑτῆσ παραγγέλλουσαν, ὅτι νῦν μὲν ἀντιλέγουσιν οἱ ἀδελφοί, γενομένησ δὲ τῆσ συνόδου παύσονται διαφερόμενοι καὶ συγχωρήσουσι·

δεῖν οὖν αὐτόν, εἰ βούλεται, νύκτωρ ἀφικέσθαι πρὸσ αὐτήν· καλῶσ γὰρ ἕξειν καὶ τὰ λοιπὰ τῆσ ἀρχῆσ γενομένησ. ἦν οὖν ταῦτα καθ’ ἡδονὴν τῷ Λαάρχῳ, καὶ παντάπασιν ἀναπτοηθεὶσ πρὸσ τὴν φιλοφροσύνην τῆσ γυναικὸσ ὡμολόγησεν ἥξειν, ὅταν ἐκείνη κελεύῃ. ταῦτα δ’ ἔπραττεν ἡ Ἐρυξὼ μετὰ Πολυάρχου τοῦ πρεσβυτάτου τῶν ἀδελφῶν. ὁρισθέντοσ δὲ καιροῦ πρὸσ τὴν σύνοδον, ὁ Πολύαρχοσ εἰσ τὸ δωμάτιον τῆσ ἀδελφῆσ παρεισήχθη κρύφα, νεανίσκουσ ἔχων δύο σὺν αὑτῷ ξιφήρεισ, φόνῳ πατρὸσ ἐπεξιόντασ, ὃν ὁ Λάαρχοσ ἐτύγχανεν ἀπεκτονὼσ νεωστί. μεταπεμψαμένησ δὲ τῆσ Ἐρυξοῦσ αὐτὸν, ἄνευ δορυφόρων εἰσῆλθε, καὶ τῶν νεανίσκων αὐτῷ προσπεσόντων τυπτόμενοσ τοῖσ ξίφεσιν ἀπέθανε. τὸν μὲν οὖν νεκρὸν ἔρριψαν ὑπὲρ τὸ τεῖχοσ, τὸν δὲ Βάττον προαγαγόντεσ ἀνέδειξαν ἐπὶ τοῖσ πατρίοισ βασιλέα, καὶ τὴν ἀπ’ ἀρχῆσ πολιτείαν ὁ Πολύαρχοσ ἀπέδωκε τοῖσ Κυρηναίοισ.

ἐτύγχανον δ’ Ἀμάσιδοσ τοῦ Αἰγυπτίων βασιλέωσ στρατιῶται συχνοὶ παρόντεσ, οἷσ ὁ Λάαρχοσ ἐχρῆτο πιστοῖσ, καὶ φοβερὸσ ἦν οὐχ ἥκιστα δι’ ἐκείνων τοῖσ πολίταισ.

οὗτοι πρὸσ Ἄμασιν ἔπεμψαν τοὺσ κατηγορήσοντασ τοῦ τε Πολυάρχου καὶ τῆσ Ἐρυξοῦσ. χαλεπαίνοντοσ δ’ ἐκείνου καὶ διανοουμένου πολεμεῖν τοῖσ Κυρηναίοισ, συνέβη τὴν μητέρα τελευτῆσαι, καὶ ταφὰσ αὐτῆσ ἐπιτελοῦντοσ, ἀναγγέλλοντασ ἐλθεῖν παρὰ τοῦ Ἀμάσιδοσ, ἔδοξεν οὖν τῷ Πολυάρχῳ βαδίζειν ἀπολογησομένῳ· τῆσ δ’ Ἐρυξοῦσ μὴ ἀπολειπομένησ, ἀλλ’ ἕπεσθαι καὶ συγκινδυνεύειν βουλομένησ, οὐδ’ ἡ μήτηρ Κριτόλα, καίπερ οὖσα πρεσβῦτισ, ἀπελείπετο.

μέγιστον δ’ αὐτῆσ ἦν ἀξίωμα, Βάττου γεγενημένησ ἀδελφῆσ τοῦ Εὐδαίμονοσ. ὡσ οὖν ἦλθον εἰσ Αἴγυπτον, οἵ τ’ ἄλλοι θαυμαστῶσ ἀπεδέξαντο τὴν πρᾶξιν αὐτῶν, καὶ ὁ Ἄμασισ οὐ μετρίωσ ἀπεδέξατο τήν τε σωφροσύνην καὶ τὴν ἀνδρείαν τῆσ γυναικόσ· δώροισ δὲ τιμήσασ καὶ θεραπείᾳ βασιλικῇ τόν τε Πολύαρχον καὶ τὰσ γυναῖκασ εἰσ Κυρήνην ἀπέστειλεν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Mulierum virtutes, Ερυξώ

(플루타르코스, Mulierum virtutes, Ερυξώ)

상위

목록

SEARCH

MENU NAVIGATION