Plutarch, Mulierum virtutes, Ερυξώ 3:

(플루타르코스, Mulierum virtutes, Ερυξώ 3:)

ἐπεὶ δ’ ὁ Λάαρχοσ ἐνετύγχανε τοῖσ ἀδελφοῖσ, ἐκεῖνοι δ’ ἐπίτηδεσ παρῆγον καὶ ἀνεβάλλοντο, πέμπει πρὸσ αὐτὸν ἡ Ἐρυξὼ θεραπαινίδα παρ’ αὑτῆσ παραγγέλλουσαν, ὅτι νῦν μὲν ἀντιλέγουσιν οἱ ἀδελφοί, γενομένησ δὲ τῆσ συνόδου παύσονται διαφερόμενοι καὶ συγχωρήσουσι· δεῖν οὖν αὐτόν, εἰ βούλεται, νύκτωρ ἀφικέσθαι πρὸσ αὐτήν· καλῶσ γὰρ ἕξειν καὶ τὰ λοιπὰ τῆσ ἀρχῆσ γενομένησ. ἦν οὖν ταῦτα καθ’ ἡδονὴν τῷ Λαάρχῳ, καὶ παντάπασιν ἀναπτοηθεὶσ πρὸσ τὴν φιλοφροσύνην τῆσ γυναικὸσ ὡμολόγησεν ἥξειν, ὅταν ἐκείνη κελεύῃ. ταῦτα δ’ ἔπραττεν ἡ Ἐρυξὼ μετὰ Πολυάρχου τοῦ πρεσβυτάτου τῶν ἀδελφῶν. ὁρισθέντοσ δὲ καιροῦ πρὸσ τὴν σύνοδον, ὁ Πολύαρχοσ εἰσ τὸ δωμάτιον τῆσ ἀδελφῆσ παρεισήχθη κρύφα, νεανίσκουσ ἔχων δύο σὺν αὑτῷ ξιφήρεισ, φόνῳ πατρὸσ ἐπεξιόντασ, ὃν ὁ Λάαρχοσ ἐτύγχανεν ἀπεκτονὼσ νεωστί. μεταπεμψαμένησ δὲ τῆσ Ἐρυξοῦσ αὐτὸν, ἄνευ δορυφόρων εἰσῆλθε, καὶ τῶν νεανίσκων αὐτῷ προσπεσόντων τυπτόμενοσ τοῖσ ξίφεσιν ἀπέθανε.

일치하는 문장이 없습니다.

SEARCH

MENU NAVIGATION