헬라어 문장 검색 - Πλυταρ́Μυλιερύ25́0́02́

(플루타르코스, Mulierum virtutes, Τιμοκλεία 2:)

οὔτε γὰρ τὸ γένοσ οὔτε τὸν βίον αἰδεσθεὶσ τῆσ γυναικόσ, ὡσ ἐνέπλησεν ἑαυτὸν οἴνου, μετὰ δεῖπνον ἐκάλει συναναπαυσομένην. καὶ τοῦτο πέρασ οὐκ ἦν ἀλλὰ καὶ χρυσὸν ἐζήτει καὶ ἄργυρον, εἴ τισ εἰή κεκρυμμένοσ ὑπ’ αὐτῆσ, τὰ μὲν ὡσ ἀπολῶν τὰ δ’ ὡσ ἕξων διὰ παντὸσ ἐν τάξει γυναικόσ. "τεθνάναι πρὸ ταύτησ ἐγὼ τῆσ νυκτὸσ ἢ ζῆν, ἵνα τὸ γοῦν σῶμα πάντων ἀπολλυμένων ἀπείρατον ὕβρεωσ διεφύλαξα πεπραγμένων δ’ οὕτωσ, εἴ σε κηδεμόνα καὶ δεσπότην καὶ ἄνδρα δεῖ νομίζειν ἐν, τοῦ δαίμονοσ διδόντοσ, οὐκ ἀποστερήσω σε τῶν σῶν ἐμαυτὴν γάρ ὅ τι βουλήσῃ ὁρῶ γεγενημένην. "ἐμοὶ περὶ σῶμα κόσμοσ ἦν καὶ ἄργυροσ ἐν ἐκπώμασιν, ἦν τι καὶ χρυσοῦ καὶ νομίσματοσ. "ὡσ δ’ ἡ πόλισ ἡλίσκετο, πάντα συλλαβεῖν κελεύσασα τὰσ θεραπαινίδασ ἔρριψα, μᾶλλον δὲ κατεθέμην εἰσ φρέαρ ὕδωρ οὐκ ἔχον οὐδ’ ἴσασιν αὐτὸ πολλοί· "πῶμα γὰρ ἔπεστι καὶ κύκλῳ περιπέφυκεν ὕλη σύσκιοσ. "ταῦτα σὺ μὲν εὐτυχοίησ λαβών, ἐμοὶ δ’ ἔσται πρόσ σε μαρτύρια καὶ γνωρίσματα τῆσ περὶ τὸν οἶκον εὐτυχίασ καὶ λαμπρότητοσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Plutarch, Mulierum virtutes, Τιμοκλεία 2:

(플루타르코스, Mulierum virtutes, Τιμοκλεία 2:)

상위

목록

SEARCH

MENU NAVIGATION