헬라어 문장 검색 - Πλυταρ́Μυλιερύ21́

(플루타르코스, Mulierum virtutes, Κάμμα)

ἦσαν ἐν Γαλατίᾳ δυνατώτατοι τῶν τετραρχῶν καί τι καὶ κατὰ γένοσ προσήκοντεσ ἀλλήλοισ Σινάτοσ τε καὶ Σινόριξ· ὧν ὁ Σινάτοσ γυναῖκα παρθένον ἔσχε Κάμμαν ὄνομα, περίβλεπτον μὲν ἰδέᾳ σώματοσ καὶ ὡρ́ᾳ, θαυμαζομένην δὲ μᾶλλον δι’ ἀρετήν· οὐ γὰρ μόνον σώφρων καὶ φίλανδροσ, ἀλλὰ καὶ συνετὴ καὶ μεγαλόφρων καὶ ποθεινὴ τοῖσ ὑπηκόοισ ἦν διαφερόντωσ ὑπ’ εὐμενείασ καὶ χρηστότητοσ·

ἐπιφανεστέραν δ’ αὐτὴν ἐποίει, καὶ τὸ τῆσ Ἀρτέμιδοσ ἱέρειαν εἶναι, ἣν μάλιστα Γαλάται σέβουσι, περί τε πομπὰσ ἀεὶ καὶ θυσίασ κεκοσμημένην ὁρᾶσθαι μεγαλοπρεπῶσ. ἐρασθεὶσ οὖν αὐτῆσ ὁ Σινόριξ, καὶ μήτε πεῖσαι μήτε βιάσασθαι ζῶντοσ τοῦ ἀνδρὸσ δυνατὸσ ὤν, ἔργον εἰργάσατο δεινόν· ἀπέκτεινε γὰρ δόλῳ τὸν Σινάτον, καὶ χρόνον οὐ πολὺν διαλιπὼν ἐμνᾶτο τὴν Κάμμαν ἐν τῷ ἱερῷ ποιουμένην διατριβὰσ καὶ φέρουσαν οὐκ οἰκτρῶσ καὶ ταπεινῶσ ἀλλὰ θυμῷ νοῦν ἔχοντι καὶ καιρὸν περιμένοντι τὴν τοῦ Σινόριγοσ παρανομίαν. ὁ δὲ λιπαρὴσ ἦν περὶ τὰσ δεήσεισ, καὶ λόγων ἐδόκει μὴ παντάπασιν ἀπορεῖν εὐπρέπειαν ἐχόντων, ὡσ τὰ μὲν ἄλλα Σινάτου βελτίονα παρεσχηκὼσ ἑαυτὸν ἀνελὼν δ’ ἐκεῖνον ἔρωτι τῆσ Κάμμησ μὴ δι’ ἑτέραν τινὰ πονηρίαν.

ἦσαν οὖν τὸ πρῶτον ἀρνήσεισ οὐκ ἄγαν ἀπηνεῖσ τῆσ γυναικόσ, εἶτα κατὰ μικρὸν ἐδόκει μαλάττεσθαι· καὶ γὰρ οἰκεῖοι καὶ φίλοι προσέκειντο θεραπείᾳ καὶ χάριτι τοῦ Σινόριγοσ μέγιστον δυναμένου, πείθοντεσ αὐτὴν καὶ καταβιαζόμενοι τέλοσ δὲ συνεχώρει καὶ μετεπέμπετο πρὸσ ἑαυτὴν ἐκεῖνον, ὡσ παρὰ τῇ θεῷ τῆσ συναινέσεωσ καὶ καταπιστώσεωσ γενησομένησ.

ἐλθόντα δὲ δεξαμένη φιλοφρόνωσ καὶ προσαγαγοῦσα τῷ βωμῷ κατέσπεισεν ἐκ φιάλησ, καὶ τὸ μὲν ἐξέπιεν αὐτὴ τὸ δ’ ἐκεῖνον ἐκέλευσεν ἦν δὲ πεφαρμαγμένον μελίκρατον. "ὦ πολυτίμητε δαῖμον, ὅτι ταύτησ ἕνεκα τῆσ ἡμέρασ ἐπέζησα τῷ Σινάτου φόνῳ, χρόνον τοσοῦτον οὐδὲν ἀπολαύουσα τοῦ βίου χρηστὸν ἀλλ’ ἢ τὴν ἐλπίδα τῆσ δίκησ, ἣν ἔχουσα καταβαίνω πρὸσ τὸν ἐμὸν ἄνδρα. "σοὶ δ’, ὦ πάντων ἀνοσιώτατε ἀνθρώπων, τάφον ἀντὶ θαλάμου καὶ γάμου παρασκευαζέτωσαν οἱ προσήκοντεσ. ταῦτα δ’ ἀκούσασ ὁ Γαλάτησ καὶ τοῦ φαρμάκου δρῶντοσ ἤδη καὶ διακινοῦντοσ τὸ σῶμα συναισθόμενοσ ἐπέβη μὲν ὀχήματοσ ὡσ σάλῳ καὶ τιναγμῷ χρησόμενοσ, ἐξέστη δὲ παραχρῆμα καὶ μεταβὰσ εἰσ φορεῖον ἑσπέρασ ἀπέθανεν.

ἡ δὲ Κάμμα διενεγκοῦσα τὴν νύκτα καὶ πυθομένη τέλοσ ἔχειν ἐκεῖνον, εὐθύμωσ καὶ ἱλαρῶσ κατέστρεψεν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Mulierum virtutes, Κάμμα

(플루타르코스, Mulierum virtutes, Κάμμα)

상위

목록

SEARCH

MENU NAVIGATION