헬라어 문장 검색 - Πλυταρ́Μυλιερύ19́

(플루타르코스, Mulierum virtutes, Λαμψάκη)

ἐκ Φωκαίασ τοῦ Κοδριδῶν γένουσ ἦσαν ἀδελφοὶ δίδυμοι Φόβοσ καὶ Βλέψοσ· ὧν ὁ Φόβοσ ἀπὸ τῶν Λευκάδων πετρῶν πρῶτοσ ἀφῆκεν ἑαυτὸν εἰσ θάλατταν, ὡσ Χάρων ὁ Λαμψακηνὸσ ἱστόρηκεν. ἔχων δὲ δύναμιν καὶ βασιλικὸν ἀξίωμα παρέπλευσεν εἰσ Πάριον ἰδίων ἕνεκα πραγμάτων· καὶ γενόμενοσ φίλοσ καὶ ξένοσ Μάνδρωνι, βασιλεύοντι Βεβρύκων τῶν Πιτυοεσσηνῶν προσαγορευομένων, ἐβοήθησε καὶ συνεπολέμησεν αὐτοῖσ ὑπὸ τῶν προσοίκων ἐνοχλουμένοισ. ὁ δὲ Μάνδρων ἄλλην τε πολλὴν ἐνεδείξατο τῷ Φόβῳ φιλοφροσύνην ἀποπλέοντι καὶ μέροσ τῆσ τε χώρασ καὶ τῆσ πόλεωσ ὑπισχνεῖτο δώσειν, εἰ βούλοιτο Φωκαεῖσ ἔχων ἐποίκουσ εἰσ τὴν Πιτυόεσσαν ἀφικέσθαι.

πείσασ οὖν τοὺσ πολίτασ ὁ Φόβοσ ἐξέπεμψε τὸν ἀδελφὸν ἄγοντα τοὺσ ἐποίκουσ. καὶ τὰ μὲν παρὰ τοῦ Μάνδρωνοσ ὑπῆρχεν αὐτοῖσ, ὥσπερ προσεδόκησαν· ὠφελείασ δὲ μεγάλασ καὶ λάφυρα καὶ λείασ ἀπὸ τῶν προσοίκων βαρβάρων λαμβάνοντεσ, ἐπίφθονοι τὸ πρῶτον εἶτα καὶ φοβεροὶ τοῖσ Βέβρυξιν ἦσαν. ἐπιθυμοῦντεσ οὖν αὐτῶν ἀπαλλαγῆναι, τὸν μὲν Μάνδρωνα, χρηστὸν ὄντα καὶ δίκαιον ἄνδρα περὶ τοὺσ Ἕλληνασ, οὐκ ἔπεισαν, ἀποδημήσαντοσ δ’ ἐκείνου, παρεσκευάζοντο τοὺσ Φωκαεῖσ δόλῳ διαφθεῖραι. τοῦ δὲ Μάνδρωνοσ ἡ θυγάτηρ Λαμψάκη παρθένοσ οὖσα τὴν ἐπιβουλὴν προέγνω, καὶ πρῶτον μὲν ἐπεχείρει τοὺσ φίλουσ καὶ οἰκείουσ ἀποτρέπειν καὶ διδάσκειν ὡσ ἔργον δεινὸν καὶ ἀσεβὲσ ἐγχειροῦσι πράττειν, εὐεργέτασ καὶ συμμάχουσ ἄνδρασ νῦν δὲ καὶ πολίτασ ἀποκτιννύντεσ.

ὡσ δ’ οὐκ ἔπειθε, τοῖσ Ἕλλησιν ἔφρασε κρύφα τὰ πραττόμενα καὶ παρεκελεύσατο φυλάττεσθαι. οἱ δὲ θυσίαν τινὰ παρασκευασάμενοι καὶ θοίνην ἐξεκαλέσαντο τοὺσ Πιτυοεσσηνοὺσ εἰσ τὸ προάστειον αὑτοὺσ δὲ διελόντεσ δίχα, τοῖσ μὲν τὰ τείχη κατελάβοντο τοῖσ δὲ τοὺσ ἀνθρώπουσ ἀνεῖλον. οὕτω δὴ τὴν πόλιν κατασχόντεσ τόν τε Μάνδρωνα μετεπέμποντο, συμβασιλεύειν τοῖσ παρ’ αὐτῶν κελεύοντεσ·

καὶ τὴν Λαμψάκην ἐξ ἀρρωστίασ ἀποθανοῦσαν ἔθαψαν ἐν τῇ πόλει μεγαλοπρεπῶσ, καὶ τὴν πόλιν ἀπ’ αὐτῆσ Λάμψακον προσηγόρευσαν. ἐπεὶ δ’ ὁ Μάνδρων προδοσίασ ὑποψίαν φεύγων τὸ μὲν οἰκεῖν μετ’ αὐτῶν παρῃτήσατο, παῖδασ δὲ τῶν τεθνηκότων καὶ γυναῖκασ ἠξίωσε κομίσασθαι, καὶ ταῦτα προθύμωσ οὐδὲν ἀδικήσαντεσ ἐξέπεμψαν· καὶ τῇ Λαμψάκῃ πρότερον ἡρωικὰσ τιμὰσ ἀποδιδόντεσ ὕστερον ὡσ θεῷ θύειν ἐψηφίσαντο καὶ διατελοῦσιν οὕτω θύοντεσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Plutarch, Mulierum virtutes, Λαμψάκη

(플루타르코스, Mulierum virtutes, Λαμψάκη)

상위

목록

SEARCH

MENU NAVIGATION