Plutarch, Mulierum virtutes, Λαμψάκη 1:

ἐκ Φωκαίασ τοῦ Κοδριδῶν γένουσ ἦσαν ἀδελφοὶ δίδυμοι Φόβοσ καὶ Βλέψοσ· ὧν ὁ Φόβοσ ἀπὸ τῶν Λευκάδων πετρῶν πρῶτοσ ἀφῆκεν ἑαυτὸν εἰσ θάλατταν, ὡσ Χάρων ὁ Λαμψακηνὸσ ἱστόρηκεν. ἔχων δὲ δύναμιν καὶ βασιλικὸν ἀξίωμα παρέπλευσεν εἰσ Πάριον ἰδίων ἕνεκα πραγμάτων· καὶ γενόμενοσ φίλοσ καὶ ξένοσ Μάνδρωνι, βασιλεύοντι Βεβρύκων τῶν Πιτυοεσσηνῶν προσαγορευομένων, ἐβοήθησε καὶ συνεπολέμησεν αὐτοῖσ ὑπὸ τῶν προσοίκων ἐνοχλουμένοισ.