Plutarch, Mulierum virtutes, Πολυκπίτη 2:

οἱ δ’ ἐντυχόντεσ τῷ μολίβδῳ καὶ τὰ γράμματα τῆσ Πολυκρίτησ ἀναγνόντεσ, κελευούσησ νυκτὸσ ἐπιθέσθαι τοῖσ πολεμίοισ, ὡσ ὑπὸ μέθησ διὰ τὴν ἑορτὴν ἐξημελημένων πάντων, προσήγγειλαν τοῖσ στρατηγοῖσ καὶ παρώρμησαν ἐξελθεῖν μετ’ αὐτῶν. ἁλόντοσ δὲ τοῦ χωρίου καὶ πολλῶν διαφθαρέντων, ἐξῃτήσατο τὸν Διόγνητον ἡ Πολυκρίτη παρὰ τῶν πολιτῶν καὶ διέσῳσεν.