Plutarch, Mulierum virtutes, Ουἀλερία καὶ Κλοιλία 4:

ἐπεὶ δ’ ἤχθησαν, ἰδὼν αὐτὰσ ὁ Πορσίνασ ἐκέλευσεν εἰπεῖν, ἥτισ ἐστὶν ἡ προτρεψαμένη καὶ κατάρξασα τοῦ βουλεύματοσ. αἱ μὲν οὖν ἄλλαι φοβηθεῖσαι περὶ τῆσ Κλοιλίασ ἐσιώπησαν αὐτῆσ δὲ τῆσ Κλοιλίασ εἰπούσησ ἑαυτήν, ἀγασθεὶσ ὁ Πορσίνασ ἐκέλευσεν ἵππον ἀχθῆναι κεκοσμημένον εὐπρεπῶσ, καὶ τῇ Κλοιλίᾳ δωρησάμενοσ ἀπέπεμψεν εὐμενῶσ καὶ φιλανθρώπωσ πάσασ. τοῦτο ποιοῦνται σημεῖον οἱ πολλοὶ τοῦ τὴν Κλοιλίαν ἵππῳ διεξελάσαι τὸν ποταμόν·