헬라어 문장 검색 - Πλυταρ́Μυλιερύ15́

(플루타르코스, Mulierum virtutes, Ουἀλερία καὶ Κλοιλία)

Ταρκύνιον Σούπερβον, ἕβδομον ἀπὸ Ῥωμύλου βασιλεύοντα Ῥωμαίων, ἐξήλασεν ὕβρισ καὶ ἀρετὴ Λουκρητίασ, γυναικὸσ ἀνδρὶ γεγαμημένησ λαμπρῷ καὶ κατὰ γένοσ προσήκοντι τοῖσ βασιλεῦσιν. ἐβιάσθη μὲν γὰρ ὑφ’ ἑνὸσ τῶν Ταρκυνίου παίδων, ἐπιξενωθέντοσ αὐτῇ· φράσασα δὲ τοῖσ φίλοισ καὶ οἰκείοισ τὸ πάθοσ εὐθὺσ ἀπέσφαξεν ἑαυτήν. ἐκπεσὼν δὲ τῆσ ἀρχῆσ ὁ Ταρκύνιοσ ἄλλουσ τε πολλοὺσ ἐπολέμησε πολέμουσ, πειρώμενοσ ἀναλαβεῖν τὴν ἡγεμονίαν· καὶ τέλοσ ἄρχοντα Τυρρηνῶν Πορσίναν ἔπεισεν ἐπὶ τὴν Ῥώμην στρατεῦσαι μετὰ πολλῆσ δυνάμεωσ.

ἅμα δὲ τῷ πολέμῳ καὶ λιμοῦ συνεπιτιθεμένου τοῖσ Ῥωμαίοισ, πυνθανόμενοι τὸν Πορσίναν οὐ πολεμικὸν εἶναι μόνον, ἀλλὰ καὶ δίκαιον ἄνδρα καὶ χρηστόν, ἐβούλοντο χρῆσθαι δικαστῇ πρὸσ τὸν Ταρκύνιον. ἀπαυθαδισαμένου δὲ τοῦ Ταρκυνίου καὶ τὸν Πορσίναν, εἰ μὴ μενεῖ σύμμαχοσ βέβαιοσ, οὐδὲ κριτὴν δίκαιον ἔσεσθαι φάσκοντοσ, ἀφεὶσ ἐκεῖνον ὁ Πορσίνασ ἔπραττεν, ὅπωσ φίλοσ ἄπεισι Ῥωμαίων, τῆσ τε χώρασ ὅσην ἀπετέτμηντο Τυρρηνῶν καὶ τοὺσ αἰχμαλώτουσ κομισάμενοσ. ἐπὶ τούτοισ ὁμήρων αὐτῷ δοθέντων δέκα μὲν ἀρρένων παίδων δέκα δὲ θηλειῶν ἐν αἷσ ἦν ἡ Ποπλικόλα τοῦ ὑπάτου θυγάτηρ Οὐαλερία, πᾶσαν εὐθὺσ ἀνῆκε τὴν πρὸσ τὸν πόλεμον παρασκευήν, καίπερ οὔπω τέλοσ ἐχούσησ τῆσ ὁμολογίασ.

αἱ δὲ παρθένοι κατέβησαν μὲν ἐπὶ τὸν ποταμὸν ὡσ λουσόμεναι μικρὸν ἀπωτέρω τοῦ στρατοπέδου· μιᾶσ δ’ αὐτῶν ὄνομα Κλοιλίασ προτρεψαμένησ, ἀναδησάμεναι περὶ τὰσ κεφαλὰσ τοὺσ χιτωνίσκουσ παρεβάλοντο πρὸσ ῥεῦμα πολὺ καὶ δίνασ βαθείασ νέουσαι καὶ διεπέρασαν ἀλλήλων ἐχόμεναι πολυπόνωσ καὶ μόλισ. εἰσὶ δ’ οἱ λέγοντεσ ἵππου τὴν Κλοιλίαν εὐπορήσασαν αὐτὴν μὲν ἐπιβῆναι καὶ διεξελαύνειν ἠρέμα, ταῖσ δ’ ἄλλαισ ὑφηγεῖσθαι παραθαρσύνουσαν νηχομένασ καὶ παραβοηθοῦσαν.

ᾧ δὲ τεκμηρίῳ χρῶνται, μετ’ ὀλίγον ἐροῦμεν. ἐπεὶ δὲ σωθείσασ εἶδον οἱ Ῥωμαῖοι, τὴν μὲν ἀρετὴν καὶ τὴν τόλμαν ἐθαύμασαν, τὴν δὲ κομιδὴν οὐκ ἠγάπησαν οὐδ’ ὑπέμειναν ἐν πίστει χείρονεσ ἑνὸσ ἀνδρὸσ γενέσθαι. πάλιν οὖν τὰσ κόρασ ἐκέλευσαν ἀπιέναι καὶ συνέπεμψαν αὐταῖσ ἀγωγούσ, οἷσ διαβᾶσι τὸν ποταμὸν ἐνέδραν ὑφεὶσ ὁ Ταρκύνιοσ ὀλίγον ἐδέησεν ἐγκρατὴσ γενέσθαι τῶν παρθένων. ἡ μὲν οὖν τοῦ ὑπάτου Ποπλικόλα θυγάτηρ Οὐαλερία μετὰ τριῶν προεξέφυγεν οἰκετῶν εἰσ τὸ τοῦ Πορσίνα στρατόπεδον, τὰσ δ’ ἄλλασ ὁ τοῦ Πορσίνα υἱὸσ Ἄρρουσ ταχὺ προσβοηθήσασ ἐξείλετο τῶν πολεμίων. ἐπεὶ δ’ ἤχθησαν, ἰδὼν αὐτὰσ ὁ Πορσίνασ ἐκέλευσεν εἰπεῖν, ἥτισ ἐστὶν ἡ προτρεψαμένη καὶ κατάρξασα τοῦ βουλεύματοσ.

αἱ μὲν οὖν ἄλλαι φοβηθεῖσαι περὶ τῆσ Κλοιλίασ ἐσιώπησαν αὐτῆσ δὲ τῆσ Κλοιλίασ εἰπούσησ ἑαυτήν, ἀγασθεὶσ ὁ Πορσίνασ ἐκέλευσεν ἵππον ἀχθῆναι κεκοσμημένον εὐπρεπῶσ, καὶ τῇ Κλοιλίᾳ δωρησάμενοσ ἀπέπεμψεν εὐμενῶσ καὶ φιλανθρώπωσ πάσασ. τοῦτο ποιοῦνται σημεῖον οἱ πολλοὶ τοῦ τὴν Κλοιλίαν ἵππῳ διεξελάσαι τὸν ποταμόν· οἱ δ’ οὔ φασιν, ἀλλὰ τὴν ῥώμην θαυμάσαντα καὶ τὴν τόλμαν αὐτῆσ ὡσ κρείττονα γυναικὸσ ἀξιῶσαι δωρεᾶσ ἀνδρὶ πολεμιστῇ πρεπούσησ.

ἀνέκειτο γοῦν ἔφιπποσ εἰκὼν γυναικὸσ ἐπὶ τῆσ ὁδοῦ τῆσ ἱερᾶσ λεγομένησ, ἣν οἱ μὲν τῆσ Κλοιλίασ οἱ δὲ τῆσ Οὐαλερίασ λέγουσιν εἶναι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Mulierum virtutes, Ουἀλερία καὶ Κλοιλία

(플루타르코스, Mulierum virtutes, Ουἀλερία καὶ Κλοιλία)

상위

목록

SEARCH

MENU NAVIGATION