Plutarch, Mulierum virtutes, Τυρρηνίδες 2:

γενομένων δὲ τούτων, αἱ μὲν ὑπέμειναν αὐτοῦ παραταξάμεναι πρὸσ πάντα τὰ δεινά, τοὺσ δ’ ἄνδρασ ἐξαπατηθέντεσ οἱ φύλακεσ παρῆκαν ὡσ δὴ γυναῖκασ. ἐκ δὴ τούτου καταλαβομένων αὐτῶν τὰ Ταΰγετα, καὶ τὸ εἱλωτικὸν ἀφιστάντων καὶ προσδεχομένων, οἱ Σπαρτιᾶται εἰσ πολὺν φόβον καταστάντεσ ἐπεκηρυκεύσαντο καὶ διηλλάγησαν ἐπὶ τῷ κομίσασθαι μὲν αὐτοὺσ τὰσ γυναῖκασ, χρήματα δὲ καὶ ναῦσ λαβόντασ ἐκπλεῦσαι καὶ γῆσ τυχόντασ ἀλλαχόσε καὶ πόλεωσ ἀποίκουσ Λακεδαιμονίων καὶ συγγενεῖσ νομίζεσθαι.