헬라어 문장 검색 - Πλυταρ́Μυλιερύ09́

(플루타르코스, Mulierum virtutes, Τυρρηνίδες)

Τυρρηνῶν τοίνυν τῶν Λῆμνον καὶ Ἴμβρον κατασχόντων, ἁρπασάντων δὲ Βραυρωνόθεν τὰσ Ἀθηναίων γυναῖκασ, ἐγένοντο παῖδεσ, οὓσ ἐξήλασαν Ἀθηναῖοι μιξοβαρβάρουσ ὄντασ ἐκ τῶν νήσων. οἱ δ’ εἰσ Ταίναρον κατάραντεσ ἐγένοντο χρήσιμοι Σπαρτιάταισ περὶ τὸν εἱλωτικὸν πόλεμον, καὶ διὰ τοῦτο πολιτείασ καὶ γάμων τυχόντεσ, οὐκ ἀξιούμενοι δὲ ἀρχείων καὶ βουλῆσ, ὑπόνοιαν ἔσχον ὡσ ἐπὶ νεωτερισμῷ συνερχόμενοι καὶ διανοούμενοι τὰ καθεστῶτα κινεῖν. συλλαβόντεσ οὖν αὐτοὺσ οἱ Λακεδαιμόνιοι. οἱ καὶ καθείρξαντεσ ἐφύλαττον ἰσχυρῶσ, ζητοῦντεσ ἑλεῖν σαφέσι καὶ βεβαίοισ ἐλέγχοισ·

αἱ δὲ τῶν καθειργμένων γυναῖκεσ ἐπὶ τὴν εἱρκτὴν παραγενόμεναι, πολλαῖσ ἱκεσίαισ. σ καὶ δεήσεσι παρείθησαν ὑπὸ τῶν φυλάκων ὅσον ἀσπάσασθαι καὶ προσειπεῖν τοὺσ ἄνδρασ. ἐπεὶ δ’ εἰσῆλθον, ἐκέλευον αὐτοὺσ μεταμφιέννυσθαι ταχὺ τὰ ἱμάτια καὶ τὰ μὲν αὑτῶν ἐκείναισ ἀπολιπεῖν, τὰ δ’ ἐκείνων ἐνδύντασ αὐτοὺσ ἀπιέναι περικαλυψαμένουσ. γενομένων δὲ τούτων, αἱ μὲν ὑπέμειναν αὐτοῦ παραταξάμεναι πρὸσ πάντα τὰ δεινά, τοὺσ δ’ ἄνδρασ ἐξαπατηθέντεσ οἱ φύλακεσ παρῆκαν ὡσ δὴ γυναῖκασ.

ἐκ δὴ τούτου καταλαβομένων αὐτῶν τὰ Ταΰγετα, καὶ τὸ εἱλωτικὸν ἀφιστάντων καὶ προσδεχομένων, οἱ Σπαρτιᾶται εἰσ πολὺν φόβον καταστάντεσ ἐπεκηρυκεύσαντο καὶ διηλλάγησαν ἐπὶ τῷ κομίσασθαι μὲν αὐτοὺσ τὰσ γυναῖκασ, χρήματα δὲ καὶ ναῦσ λαβόντασ ἐκπλεῦσαι καὶ γῆσ τυχόντασ ἀλλαχόσε καὶ πόλεωσ ἀποίκουσ Λακεδαιμονίων καὶ συγγενεῖσ νομίζεσθαι. ταῦτα ἔπραττον οἱ Πελασγοὶ Πόλλιν ἡγεμόνα καὶ Δελφὸν καὶ Κραταΐδαν Λακεδαιμονίουσ λαβόντεσ·

καὶ μέροσ μὲν αὐτῶν ἐν Μήλῳ κατῴκησαν τοὺσ δὲ πλείστουσ οἱ περὶ Πόλλιν ἔχοντεσ εἰσ Κρήτην ἔπλευσαν, ἀποπειρώμενοι τῶν λογίων. ἐχρήσθη γὰρ αὐτοῖσ, ὅταν τὴν θεὸν καὶ τὴν ἄγκυραν ἀπολέσωσι, παύσασθαι πλάνησ καὶ πόλιν ἐκεῖ συνοικίζειν. ὁρμισθεῖσιν οὖν πρὸσ τῇ λεγομένῃ Χερρονήσῳ θόρυβοι πανικοὶ προσέπεσον νύκτωρ, ὑφ’ ὧν διαπτοηθέντεσ ἐνεπήδησαν εἰσ τὰσ ναῦσ ἀκόσμωσ, ἀπολιπόντεσ ἐν τῇ γῇ ξόανον τῆσ Ἀρτέμιδοσ, ὃ πατρῷον ἦν αὐτοῖσ εἰσ Λῆμνον ἐκ Βραύρωνοσ κομισθέν, ἐκ δὲ Λήμνου πανταχοῦ συμπεριαγόμενον. ἐπεὶ δὲ τοῦ θορύβου λήξαντοσ ἐπόθησαν αὐτὸ κατὰ πλοῦν, ἅμα δ’ ὁ Πόλλισ κατέμαθε τῇ ἀγκύρᾳ τὸν ὄνυχα μὴ προσόντα βίᾳ γὰρ ἑλκομένησ ὡσ ἐοίκεν ἐν τόποισ ὑποπέτροισ ἀποσπασθεὶσ ἔλαθε, περαίνεσθαι τὰ πυθόχρηστα φήσασ ἐσήμαινεν ἀναστρέφειν καὶ κατέσχε τὴν χώραν, καὶ μάχαισ πολλαῖσ τῶν ἀντιταξαμένων ἐπικρατήσασ Λύκτον ᾤκησε καὶ πόλεισ ἄλλασ ὑποχειρίουσ ἔλαβε.

διὸ καὶ νομίζουσιν αὑτοὺσ Ἀθηναίοισ τε διὰ τὰσ μητέρασ κατὰ γένοσ προσήκειν καὶ Σπαρτιατῶν ἀποίκουσ εἶναι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Mulierum virtutes, Τυρρηνίδες

(플루타르코스, Mulierum virtutes, Τυρρηνίδες)

상위

목록

SEARCH

MENU NAVIGATION