Plutarch, Mulierum virtutes, Μήλιαι

Μήλιοι γῆσ χρῄζοντεσ ἀμφιλαφοῦσ Νυμφαῖον ἡγεμόνα τῆσ ἀποικίασ ἐποιήσαντο, νέον ἄνδρα καὶ κάλλει διαφέροντα· τοῦ δὲ θεοῦ πλεῖν κελεύσαντοσ αὐτούσ, ὅπου δ’ ἂν ἀποβάλωσι τοὺσ κομιστῆρασ, ἐκεῖ κατοικεῖν, συνέπεσε τῇ Καρίᾳ προσβαλοῦσιν αὐτοῖσ καὶ ἀποβᾶσι τὰσ ναῦσ ὑπὸ χειμῶνοσ διαφθαρῆναι. τῶν δὲ Καρῶν οἱ Κρύασσον οἰκοῦντεσ, εἴτε τὴν ἀπορίαν οἰκτίραντεσ εἴτε δείσαντεσ αὐτῶν τὴν τόλμαν, ἐκέλευον οἰκεῖν παρ’ αὐτοῖσ καὶ τῆσ χώρασ μετέδωκαν·