헬라어 문장 검색 - Πλυταρ́Μυλιερύ04́

(플루타르코스, Mulierum virtutes, Χῖαι)

Χῖοι Λευκωνίαν ἐπῴκισαν ἐκ τοιαύτησ αἰτίασ. ἐγάμει τισ ἐν Χίῳ τῶν δοκούντων γνωρίμων εἶναι ἀγομένησ δὲ τῆσ νύμφησ ἐπὶ ζεύγουσ, ὁ βασιλεὺσ Ἵπποκλοσ, ἐπιτήδειοσ ὢν τῷ γαμοῦντι καὶ παρὼν ὥσπερ οἱ λοιποί, μέθησ οὔσησ καὶ γέλωτοσ, ἀνεπήδησεν ἐπὶ τὸ ζεῦγοσ, οὐδὲν ὑβριστικὸν πράξων, ἀλλ’ ἔθει κοινῷ καὶ παιδιᾷ χρώμενοσ· οἱ δὲ φίλοι τοῦ γαμοῦντοσ ἀπέκτειναν αὐτόν. μηνιμάτων δὲ τοῖσ Χίοισ προφαινομένων καὶ τοῦ θεοῦ κελεύσαντοσ τοὺσ Ἵπποκλον ἀνελόντασ ἀνελεῖν, ἅπαντεσ ἔφασαν Ἵπποκλον ἀνῃρηκέναι. πάντασ οὖν αὖθισ ὁ θεὸσ ἐκέλευσε τὴν πόλιν ἐκλιπεῖν, εἰ πᾶσι τοῦ ἄγουσ μέτεστιν.

οὕτω δὴ τοὺσ αἰτίουσ καὶ μετασχόντασ τοῦ φόνου καὶ συνεπαινέσαντασ ἁμωσγέπωσ, οὐκ ὀλίγουσ γενομένουσ οὐδ’ ἀδυνάτουσ ὄντασ, ἀπῴκισαν εἰσ Λευκωνίαν, ἣν Κορωνεῖσ ἀφελόμενοι πρότερον ἐκτήσαντο μετ’ Ἐρυθραίων. ὕστερον δὲ πολέμου πρὸσ τοὺσ Ἐρυθραίουσ αὐτοῖσ γενομένου, μέγιστον Ιὤνων δυναμένουσ τότε, κἀκείνων ἐπὶ τὴν Λευκωνίαν στρατευσάντων ἀντέχειν μὴ δυνάμενοι, συνεχώρησαν ἐξελθεῖν ὑπόσπονδοι, χλαῖναν μίαν ἑκάστου καὶ ἱμάτιον ἄλλο δὲ μηδὲν ἔχοντοσ. αἱ δὲ γυναῖκεσ ἐκάκιζον αὐτούσ, εἰ προέμενοι τὰ ὅπλα γυμνοὶ διὰ τῶν πολεμίων ἐξίασιν·

ὀμωμοκέναι δὲ φασκόντων, ἐκέλευον αὐτοὺσ τὰ μὲν ὅπλα μὴ καταλιπεῖν, λέγειν δὲ πρὸσ τοὺσ πολεμίουσ ὅτι χλαῖνα μέν ἐστι τὸ ξυστόν, χιτὼν δ’ ἡ ἀσπὶσ, ἀνδρὶ θυμὸν ἔχοντι. πεισθέντων δὲ ταῦτα τῶν Χίων καὶ πρὸσ τοὺσ Ἐρυθραίουσ παρρησιαζομένων καὶ τὰ ὅπλα δεικνυόντων, ἐφοβήθησαν οἱ Ἐρυθραῖοι τὴν τόλμαν αὐτῶν καὶ οὐδεὶσ προσῆλθεν οὐδ’ ἐκώλυσεν, ἀλλ’ ἠγάπησαν ἀπαλλαγέντων. οὗτοι μὲν οὖν θαρρεῖν διδαχθέντεσ ὑπὸ τῶν γυναικῶν οὕτωσ ἐσώθησαν.

τούτου δ’ οὐδέν τι λειπόμενον ἔργον ἀρετῇ καὶ χρόνοισ ὕστερον πολλοῖσ ἐπράχθη ταῖσ Χίων γυναιξίν, ὁπηνίκα Φίλιπποσ ὁ Δημητρίου πολιορκῶν τὴν πόλιν ἐκήρυξε κήρυγμα βάρβαρον καὶ ὑπερήφανον, ἀφίστασθαι τοὺσ οἰκέτασ πρὸσ ἑαυτὸν ἐπ’ ἐλευθερίᾳ καὶ γάμῳ τῆσ κεκτημένησ, ὡσ συνοικιῶν αὐτοὺσ ταῖσ τῶν δεσποτῶν γυναιξί. οἰκετῶν καὶ αὐτῶν συναγανακτούντων καὶ συμπαρόντων ὡρ́μησαν ἀναβαίνειν ἐπὶ τὰ τείχη, καὶ λίθουσ καὶ βέλη προσφέρουσαι καὶ παρακελευόμεναι καὶ προσλιπαροῦσαι τοῖσ μαχομένοισ, τέλοσ δ’ ἀμυνόμεναι καὶ βάλλουσαι τοὺσ πολεμίουσ, ἀπεώσαντο τὸν Φίλιππον, οὐδενὸσ δούλου τὸ παράπαν ἀποστάντοσ πρὸσ αὐτόν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Mulierum virtutes, Χῖαι

(플루타르코스, Mulierum virtutes, Χῖαι)

상위

목록

SEARCH

MENU NAVIGATION