헬라어 문장 검색 - Πλυταρ́Μαρξελλ́24́

(플루타르코스, Marcellus, chapter 24)

τοὐντεῦθεν ἤδη τρέπεται πρὸσ Ἀννίβαν. οἰόμενοσ τῷ δοκοῦντι καταλύειν Ἀννίβαν χρόνῳ πρότερον ἐκτριβεῖσαν ὑπ’ ἐκείνου λήσεσθαι τὴν Ἰταλίαν, καὶ τὸν Φάβιον ἀεὶ τῆσ ἀσφαλείασ ἐχόμενον οὐ καλῶσ ἔχειν ἰᾶσθαι τὸ νόσημα τῆσ πατρίδοσ, περιμένοντα τῇ ῥώμῃ μαραινομένῃ συναποσβῆναι τὸν πόλεμον, ὥσπερ ἰατρῶν τοὺσ ἀτόλμουσ καὶ δειλοὺσ πρὸσ τὰ βοηθήματα, τῆσ νόσου παρακμὴν τὴν τῆσ δυνάμεωσ ἐξανάλωσιν ἡγουμένουσ·

πρῶτον μὲν οὖν τὰσ Σαυνιτικὰσ πόλεισ μεγάλασ ἀφεστώσασ ἑλών, σῖτόν τε πολὺν ἀποκείμενον ἐν αὐταῖσ καὶ χρήματα καὶ τοὺσ φυλάσσοντασ Ἀννίβου στρατιώτασ τρισχιλίουσ ὄντασ ἔλαβεν ἔπειτα τοῦ Ἀννίβου Φούλβιον Γναῖον ἀνθύπατον ἐν Ἀπουλίᾳ, κατακτείναντοσ μὲν αὐτὸν σὺν ἕνδεκα χιλιάρχοισ, κατακόψαντοσ δὲ τῆσ στρατιᾶσ τὸ πλεῖστον, ἔπεμψεν εἰσ Ῥώμην γράμματα τοὺσ πολίτασ παρακαλῶν θαρρεῖν αὐτὸσ γὰρ ἤδη βαδίζειν ὡσ ἀφέλοιτο τὴν χαρὰν Ἀννίβου.

καὶ ταῦτα μὲν ὁ Λίβιόσ φησιν ἀναγνωσθέντα τὰ γράμματα μὴ τῆσ λύπησ ἀφελεῖν, ἀλλὰ τῷ φόβῳ προσθεῖναι, τῶν Ῥωμαίων μεῖζον ἡγουμένων τοῦ γεγονότοσ τὸ κινδυνευόμενον ὅσῳ Φουλβίου κρείττων ἦν Μάρκελλοσ ὁ δέ, ὥσπερ ἔγραψεν, εὐθὺσ Ἀννίβαν διώκων εἰσ τὴν Λευκανίαν ἐνέβαλε, καὶ περὶ πόλιν Νομίστρωνα καθήμενον ὑπὲρ λόφων ὀχυρῶν καταλαβών αὐτὸσ ἐν τῷ πεδίῳ κατεστρατοπέδευσε.

τῇ δ’ ὑστεραίᾳ πρότεροσ εἰσ μάχην παρατάξασ τὸ στράτευμα καταβάντοσ Ἀννίβου, συνέβαλε μάχην κρίσιν οὐ λαβοῦσαν, ἰσχυρὰν δὲ καὶ μεγάλην γενομένην ἀπὸ γὰρ ὡρ́ασ τρίτησ συμπεσόντεσ ἤδη σκότουσ μόλισ διελύθησαν.

ἅμα δ’ ἡμέρᾳ προαγαγὼν αὖθισ τὸ στράτευμα παρέταξε διὰ τῶν νεκρῶν καὶ προὐκαλεῖτο διαγωνίσασθαι περὶ τῆσ νίκησ τὸν Ἀννίβαν. ἀναζεύξαντοσ δὲ ἐκείνου σκυλεύσασ τοὺσ πολεμίουσ νεκροὺσ καὶ θάψασ τοὺσ φίλουσ ἐδίωκεν αὖθισ·

καὶ πολλὰσ μὲν ὑφέντοσ ἐνέδρασ οὐδεμιᾷ περιπεσών, ἐν δὲ πᾶσι τοῖσ ἀκροβολισμοῖσ πλεῖον ἔχων ἐθαυμάζετο. διὸ καὶ τῶν ἀρχαιρεσίων ἐπειγόντων ἔδοξε τῇ βουλῇ μᾶλλον ἐκ Σικελίασ τὸν ἕτερον ἀπάγειν ὕπατον ἢ Μάρκελλον Ἀννίβᾳ συνηρτημένον κινεῖν, ἐλθόντα δ’ ἐκέλευεν εἰπεῖν δικτάτορα Κόϊντον Φούλβιον. ὁ γὰρ δικτάτωρ οὐκ ἔστιν ὑπὸ τοῦ πλήθουσ οὐδὲ τῆσ βουλῆσ αἱρετόσ, ἀλλὰ τῶν ὑπάτων τισ ἢ τῶν στρατηγῶν προελθὼν εἰσ τὸν δῆμον ὃν αὐτῷ δοκεῖ λέγει δικτάτορα, καὶ διὰ τοῦτο δικτάτωρ ὁ ῥηθεὶσ καλεῖται·

τὸ γὰρ λέγειν δίκερε Ῥωμαῖοι καλοῦσιν ἔνιοι δὲ τὸν δικτάτορα τῷ μὴ προτιθέναι ψῆφον ἢ χειροτονίαν, ἀλλ’ ἀφ’ αὑτοῦ τὰ δόξαντα προστάττειν καὶ λέγειν οὕτωσ ὠνομάσθαι καὶ γὰρ τὰ διαγράμματα τῶν ἀρχόντων Ἕλληνεσ μὲν διατάγματα, Ῥωμαῖοι δὲ ἔδικτα προσαγορεύουσιν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Marcellus, chapter 24

(플루타르코스, Marcellus, chapter 24)

상위

목록

SEARCH

MENU NAVIGATION