헬라어 문장 검색 - Πλυταρ́Μαρξελλ́23́

(플루타르코스, Marcellus, chapter 23)

τοῦ δὲ Μαρκέλλου τὸ τέταρτον ὑπατεύοντοσ οἱ ἐχθροὶ τοὺσ Συρακουσίουσ ἀνέπεισαν εἰσ Ῥώμην ἀφικομένουσ κατηγορεῖν καὶ καταβοᾶν πρὸσ τὴν σύγκλητον ὡσ δεινὰ καὶ παράσπονδα πεπονθότασ. ἔτυχε μὲν οὖν ἐν Καπιτωλίῳ θυσίαν τινὰ συντελῶν ὁ Μάρκελλοσ· ἀγανακτῶν ὑπὲρ τοῦ Μαρκέλλου μὴ παρόντοσ, ὁ δὲ Μάρκελλοσ εὐθὺσ ἧκεν ἀκούσασ, καὶ πρῶτον μὲν ἐπὶ τοῦ δίφρου καθίσασ ὡσ ὕπατοσ ἐχρημάτιζεν, ἔπειτα, τῶν ἄλλων τέλοσ ἐχόντων, καταβὰσ ἀπὸ τοῦ δίφρου καὶ καταστὰσ ὥσπερ ἰδιώτησ εἰσ τὸν τόπον ἐν ᾧ λέγειν εἰώθασιν οἱ κρινόμενοι, τοῖσ Συρακουσίοισ ἐλέγχειν αὑτὸν παρεῖχεν.

οἱ δὲ δεινῶσ μὲν συνεταράχθησαν πρὸσ τὸ ἀξίωμα καὶ τὸ πεποιθὸσ τοῦ ἀνδρόσ, καὶ τὸ ἐν τοῖσ ὅπλοισ ἀνυπόστατον ἔτι μᾶλλον ἐν τῇ περιπορφύρῳ φοβερὸν ἡγοῦντο καὶ δυσαντίβλεπτον.

οὐ μὴν ἀλλὰ καὶ παραθαρρυνόντων αὐτοὺσ τῶν διαφερομένων πρὸσ τὸν Μάρκελλον ἤρξαντο τῆσ κατηγορίασ καὶ διεξῆλθον ὀλοφυρμῷ τινι μεμιγμένην δικαιολογίαν, ἧσ ἦν τὸ κεφάλαιον ὅτι σύμμαχοι καὶ φίλοι Ῥωμαίοισ ὄντεσ πεπόνθασιν ἃ πολλοῖσ τῶν πολεμίων ἕτεροι στρατηγοὶ μὴ παθεῖν ἐχαρίσαντο. πρὸσ ταῦτα ὁ Μάρκελλοσ ἔλεγεν ὡσ ἀντὶ πολλῶν ὧν δεδράκασι Ῥωμαίουσ κακῶσ οὐδὲν πεπόνθασι, πλὴν ἃ πολέμῳ καὶ κατὰ κράτοσ ἁλόντασ ἀνθρώπουσ κωλῦσαι παθεῖν οὐ δυνατόν ἐστιν, οὕτω δὲ ἁλῶναι δι’ αὑτούσ, πολλὰ προκαλουμένῳ πεισθῆναι μὴ ἐθελήσαντασ.

οὐ γὰρ ὑπὸ τῶν τυράννων πολεμῆσαι βιασθέντασ, ἀλλὰ κἀκείνουσ ἐπὶ τῷ πολεμεῖν ἑλέσθαι τυράννουσ.

λεχθέντων δὲ τῶν λόγων καὶ μεθισταμένοισ, ὥσπερ εἰώθεν, ἐκ τῆσ βουλῆσ τοῖσ Συρακουσίοισ συνεξῆλθε Μάρκελλοσ, ἐπὶ τῷ συνάρχοντι ποιησάμενοσ τὴν σύγκλητον, καὶ πρὸ τῶν θυρῶν τοῦ βουλευτηρίου διέτριβεν, οὔτε φόβῳ διὰ τὴν δίκην οὔτε θυμῷ πρὸσ τοὺσ Συρακουσίουσ τοῦ συνήθουσ μεταβαλὼν καταστήματοσ, ἀλλὰ πρᾴωσ πάνυ καὶ κοσμίωσ τὸ τῆσ δίκησ τέλοσ ἐκδεχόμενοσ. ἐπεὶ δὲ διηνέχθησαν αἱ γνῶμαι καὶ νικῶν ἀπεδείχθη, προσπίπτουσιν αὐτῷ οἱ Συρακούσιοι, μετὰ δακρύων δεόμενοι τὴν ὀργὴν εἰσ αὐτοὺσ ἀφεῖναι τοὺσ παρόντασ, οἰκτεῖραι δὲ τὴν ἄλλην πόλιν μεμνημένην ὧν ἔτυχεν ἀεὶ καὶ χάριν ἔχουσαν.

ἐπικλασθεὶσ οὖν ὁ Μάρκελλοσ τούτοισ τε διηλλάγη, καὶ τοῖσ ἄλλοισ Συρακουσίοισ ἀεί τι πράττων ἀγαθὸν διετέλει. καὶ τὴν ἐλευθερίαν ἣν ἀπέδωκεν αὐτοῖσ, καὶ τοὺσ νόμουσ καὶ τῶν κτημάτων τὰ περιόντα βέβαια παρέσχεν ἡ σύγκλητοσ, ἀνθ’ ὧν ἄλλασ τε τιμὰσ ὑπερφυεῖσ ἔσχε παρ’ αὐτοῖσ, καὶ νόμον ἔθεντο τοιοῦτον, ὁπόταν ἐπιβῇ Σικελίασ Μάρκελλοσ ἢ τῶν ἐκγόνων τισ αὐτοῦ, στεφανηφορεῖν Συρακουσίουσ καὶ θύειν τοῖσ θεοῖσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Plutarch, Marcellus, chapter 23

(플루타르코스, Marcellus, chapter 23)

상위

목록

SEARCH

MENU NAVIGATION