헬라어 문장 검색 - Πλυταρ́Μαρξελλ́18́

(플루타르코스, Marcellus, chapter 18)

Ἀρχιμήδησ μὲν οὖν τοιοῦτοσ γενόμενοσ ἀήττητον ἑαυτόν τε καὶ τὴν πόλιν, ὅσον ἐφ’ ἑαυτῷ, διεφύλαξε. τῆσ δὲ πολιορκίασ διὰ μέσου Μάρκελλοσ εἷλε μὲν Μεγαρέασ, πόλιν ἐν ταῖσ παλαιοτάταισ τῶν Σικελιωτίδων, εἷλε δὲ τὸ Ἱπποκράτουσ πρὸσ Ἀκρίλλαισ στρατόπεδον, καὶ κατέκτεινεν ὑπὲρ ὀκτακισχιλίουσ ἐπιπεσὼν χάρακα βαλλομένοισ, ἐπέδραμε δὲ πολλὴν Τῆσ Σικελίασ καὶ πόλεισ ἀπέστησε Καρχηδονίων καὶ μάχασ ἐνίκησε πάσασ τοὺσ ἀντιταχθῆναι τολμήσαντασ. χρόνῳ δὲ προϊόντι Δάμιππόν τινα Σπαρτιάτην ἐκ Συρακουσῶν λαβὼν ἐκπλέοντα αἰχμάλωτον, ἀξιούντων ἐπὶ λύτροισ τῶν Συρακοσίων κομίσασθαι τὸν ἄνδρα, πολλάκισ ὑπὲρ τούτου διαλεγόμενοσ καὶ συντιθέμενοσ πύργον τινὰ κατεσκέψατο φυλαττόμενον μὲν ἀμελῶσ, ἄνδρασ δὲ δυνάμενον δέξασθαι κρύφα, τοῦ τείχουσ ἐπιβατοῦ παρ’ αὐτὸν ὄντοσ.

ὡσ οὖν τό τε ὕψοσ ἐκ τοῦ πολλάκισ προσιέναι καὶ διαλέγεσθαι πρὸσ τὸν πύργον εἰκάσθη καλῶσ καὶ κλίμακεσ παρεσκευάσθησαν, ἑορτὴν Ἀρτέμιδι τοὺσ Συρακουσίουσ ἄγοντασ καὶ πρὸσ οἶνον ὡρμημένουσ καὶ παιδιὰν παραφυλάξασ, ἔλαθεν οὐ μόνον τὸν πύργον κατασχών, ἀλλὰ καὶ κύκλῳ τὸ τεῖχοσ παρεμπλήσασ ὅπλων πρὶν ἡμέραν γενέσθαι, καὶ τὰ Ἑξάπυλα διακόψασ.

ἀρχομένων δὲ κινεῖσθαι καὶ ταράττεσθαι τῶν Συρακουσίων πρὸσ τὴν αἴσθησιν, ἅμα πανταχόθεν ταῖσ σάλπιγξι χρῆσθαι κελεύσασ φυγὴν ἐποίησε πολλὴν καὶ φόβον, ὡσ οὐδενὸσ μέρουσ ἀναλώτου μένοντοσ, ἔμενε δὲ τὸ καρτερώτατον καὶ κάλλιστον καὶ μέγιστον Ἀχραδινὴ καλεῖται διὰ τὸ τετειχίσθαι πρὸσ τὴν ἔξω πόλιν, ἧσ τὸ μὲν Νέαν, τὸ δὲ Τύχην ὀνομάζουσι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Marcellus, chapter 18

(플루타르코스, Marcellus, chapter 18)

상위

목록

SEARCH

MENU NAVIGATION