헬라어 문장 검색 - Πλυταρ́Μαρξελλ́08́

(플루타르코스, Marcellus, chapter 8)

ψηφισαμένησ δὲ τῆσ συγκλήτου μόνῳ Μαρκέλλῳ θρίαμβον, εἰσήλαυνε τῇ μὲν ἄλλῃ λαμπρότητι καὶ πλούτῳ καὶ λαφύροισ καὶ σώμασιν ὑπερφυέσιν αἰχμαλώτων ἐν ὀλίγοισ θαυμαστόσ, ἥδιστον δὲ πάντων θέαμα καὶ καινότατον ἐπιδεικνύμενοσ αὑτὸν κομίζοντα τῷ θεῷ τὴν τοῦ βαρβάρου πανοπλίαν. δρυὸσ γὰρ εὐκτεάνου πρέμνον ὄρθιον καὶ μέγα τεμών καὶ ἀσκήσασ ὥσπερ τρόπαιον ἀνεδήσατο καὶ κατήρτησεν ἐξ αὐτοῦ τὰ λάφυρα, κόσμῳ διαθεὶσ καὶ περιαρμόσασ ἕκαστον.

οὕτω δὲ προβὰσ καὶ παρελθὼν εἷσ τὸν νεὼν τοῦ Φερετρίου Διόσ, ἀνέστησε καὶ καθιέρωσε, τρίτοσ καὶ τελευταῖοσ ἄχρι τοῦ καθ’ ἡμᾶσ αἰῶνοσ, πρῶτοσ μὲν γὰρ ἀνήνεγκε σκῦλα Ῥωμύλοσ ἀπὸ Ἄκρωνοσ τοῦ Καινινήτου, δεύτεροσ δὲ Κόσσοσ Κορνήλιοσ ἀπὸ Τολουμνίου Τυρρηνοῦ, μετὰ δὲ τούτουσ Μάρκελλοσ ἀπὸ Βριτομάτου, βασιλέωσ Γαλατῶν, μετὰ δὲ Μάρκελλον οὐδὲ εἷσ, καλεῖται δὲ ὁ μὲν θεὸσ ᾧ πέμπεται Φερέτριοσ Ζεύσ, ὡσ μὲν ἔνιοί φασὶν, ἀπὸ τοῦ φερετρευομένου τροπαίου, κατὰ τὴν Ἑλληνίδα γλῶσσαν ἔτι πολλὴν τότε συμμεμιγμένην τῇ Λατίνων, ὡσ δὲ ἕτεροι, Διόσ ἐστιν ἡ προσωνυμία κεραυνοβολοῦντοσ.

τὸ γὰρ τύπτειν φερῖρε οἱ Ῥωμαῖοι καλοῦσιν.

ἄλλοι δὲ παρὰ τὴν τοῦ πολεμίου πληγὴν γεγονέναι τοὔνομα λέγουσι· καὶ γὰρ νῦν ἐν ταῖσ μάχαισ, ὅταν διώκωσι τοὺσ πολεμίουσ, πυκνὸν τὸ φέρι, τουτέστι παῖε, παρεγγυῶσιν ἀλλήλοισ. τὰ δὲ σκῦλα σπόλια μὲν κοινῶσ, ἰδίωσ δὲ ὀπίμια ταῦτα καλοῦσι. καίτοι φασὶν ἐν τοῖσ ὑπομνήμασι Νομᾶν Πομπίλιον καὶ πρώτων ὀπιμίων καὶ δευτέρων καὶ τρίτων μνημονεύειν, τὰ μὲν πρῶτα ληφθέντα τῷ Φερετρίῳ Διῒ κελεύοντα καθιεροῦν, τὰ δεύτερα δὲ τῷ Ἄρει, τὰ δὲ τρίτα τῷ Κυρίνῳ, καὶ λαμβάνειν γέρασ ἀσσάρια τριακόσια τὸν πρῶτον, τὸν δὲ δεύτερον διακόσια, τὸν δὲ τρίτον ἑκατόν, ὁ μέντοι πολὺσ οὗτοσ ἐπικρατεῖ λόγοσ, ὡσ ἐκείνων μόνων ὀπιμίων ὄντων, ὅσα καὶ παρατάξεωσ οὔσησ καὶ πρῶτα καὶ στρατηγοῦ στρατηγὸν ἀνελόντοσ.

περὶ μὲν οὖν τούτων ἐπὶ τοσοῦτον. οἱ δὲ Ῥωμαῖοι τὴν νίκην ἐκείνην καὶ τοῦ πολέμου τὴν κατάλυσιν οὕτωσ ὑπερηγάπησαν ὥστε καὶ τῷ Πυθίῳ χρυσοῦν κρατῆρα ἀπὸ λιτρῶν .

. . εἷσ Δελφοὺσ ἀποστεῖλαι χαριστήριον, καὶ τῶν λαφύρων ταῖσ τε συμμαχίσι μεταδοῦναι πόλεσι λαμπρῶσ, καὶ πρὸσ Ιἕρωνα πολλὰ πέμψαι, τὸν Συρακουσίων βασιλέα, φίλον ὄντα καὶ σύμμαχον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Marcellus, chapter 8

(플루타르코스, Marcellus, chapter 8)

상위

목록

SEARCH

MENU NAVIGATION