헬라어 문장 검색 - Πλυταρ́Μαρξελλ́03́

(플루타르코스, Marcellus, chapter 3)

ἐπεὶ δὲ τοῦ πρώτου τῶν Καρχηδονίων πολέμων ἔτει δευτέρῳ καὶ εἰκοστῷ συναιρεθέντοσ ἀρχαὶ πάλιν Γαλατικῶν ἀγώνων διεδέχοντο τὴν Ῥώμην, οἱ δὲ τὴν ὑπαλπείαν νεμόμενοι τῆσ Ἰταλίασ Ἴνσομβρεσ, Κελτικὸν ἔθνοσ, μεγάλοι καὶ καθ’ ἑαυτοὺσ ὄντεσ, δυνάμεισ ἐκάλουν, καὶ μετεπέμποντο Γαλατῶν τοὺσ μισθοῦ στρατευομένουσ, οἳ Γαισάται καλοῦνται, θαυμαστὸν μὲν ἐδόκει καὶ τύχησ ἀγαθῆσ γενέσθαι τὸ μὴ συρραγῆναι τὸν Κελτικὸν εἰσ τὸ αὐτὸ τῷ Λιβυκῷ πόλεμον, ἀλλ’ ὥσπερ ἐφεδρείαν εἰληφότασ τοὺσ Γαλάτασ, ὀρθῶσ καὶ δικαίωσ ἀτρεμήσαντασ μαχομένων ἐκείνων, οὕτω τότε δὴ τοῖσ νενικηκόσιν ἐπαποδύεσθαι καὶ προκαλεῖσθαι σχολὴν ἄγοντασ· οὐ μὴν ἀλλὰ μέγαν ἥ τε χώρα παρεῖχε φόβον, διὰ τὴν γειτνίασιν ὁμόρῳ καὶ προσοίκῳ πολέμῳ συνοισομένοισ, καὶ τὸ παλαιὸν ἀξίωμα τῶν Γαλατῶν, οὓσ μάλιστα Ῥωμαῖοι δεῖσαι δοκοῦσιν, ἅτε δὴ καὶ τὴν πόλιν ὑπ’ αὐτῶν ἀποβαλόντεσ, ἐξ ἐκείνου δὲ καὶ θέμενοι νόμον ἀτελεῖσ εἶναι στρατείασ τοὺσ ἱερέασ, πλὴν εἰ μὴ Γαλατικὸσ πάλιν ἐπέλθοι πόλεμοσ.

ἐδήλου δὲ καὶ τὸν φόβον αὐτῶν ἥ τε παρασκευὴ μυριάδεσ γὰρ ἐν ὅπλοισ ἅμα τοσαῦται Ῥωμαίων οὔτε πρότερον οὔτε ὕστερον γενέσθαι λέγονται καὶ τὰ περὶ τὰσ θυσίασ καινοτομούμενα·

βαρβαρικὸν μὲν γὰρ οὐδὲν οὐδ’ ἔκφυλον ἐπιτηδεύοντεσ, ἀλλ’ ὡσ ἔνι μάλιστα ταῖσ δόξαισ Ἑλληνικῶσ διακείμενοι καὶ πρᾴωσ πρὸσ τὰ θεῖα, τότε τοῦ πολέμου συμπεσόντοσ ἠναγκάσθησαν εἶξαι λογίοισ τισὶν ἐκ τῶν Σιβυλλείων, καὶ δύο μὲν Ἕλληνασ, ἄνδρα καὶ γυναῖκα, δύο δὲ Γαλάτασ ὁμοίωσ ἐν τῇ καλουμένῃ βοῶν ἀγορᾷ κατορύξαι ζῶντασ, οἷσ ἔτι καὶ νῦν ἐν τῷ Νοεμβρίῳ μηνὶ δρῶσιν Ἕλλησι καὶ Γαλάταισ ἀπορρήτουσ καὶ ἀθεάτουσ ἱερουργίασ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Plutarch, Marcellus, chapter 3

(플루타르코스, Marcellus, chapter 3)

상위

목록

SEARCH

MENU NAVIGATION