헬라어 문장 검색 - Πλυταρ́Γαλβά25́

(플루타르코스, Galba, chapter 25)

ἐνταῦθα τοὺσ πρώτουσ ἐκδεξαμένουσ αὐτὸν καὶ προσειπόντασ αὐτοκράτορά φασι μὴ πλείουσ τριῶν καὶ εἴκοσι γενέσθαι, διό, καίπερ οὐ κατὰ τὴν τοῦ σώματοσ μαλακίαν καὶ θηλύτητα τῇ ψυχῇ διατεθρυμμένοσ, ἀλλὰ ἰταμὸσ ὢν πρὸσ τὰ δεινὰ καὶ ἄτρεπτοσ, ἀπεδειλίασεν. οἱ δὲ παρόντεσ οὐκ εἰών, ἀλλὰ τοῖσ ξίφεσι γυμνοῖσ περιϊόντεσ αὐτοῦ τὸ φορεῖον ἐκέλευον αἴρεσθαι, παραφθεγγομένου πολλάκισ ἀπολωλέναι καὶ τοὺσ φορειαφόρουσ ἐπιταχύνοντοσ.

ἐξήκουον γὰρ ἔνιοι θαυμάζοντεσ μᾶλλον ἢ ταραττόμενοι διὰ τὴν ὀλιγότητα τῶν ἀποτετολμημένων, φερομένῳ δὲ οὕτω δι’ ἀγορᾶσ ἀπήντησαν ἕτεροι τοσοῦτοι, καὶ πάλιν κατὰ τρεῖσ καὶ τέτταρασ ἄλλοι προσεπέλαζον. εἶτα συνανέστρεφον ἅπαντεσ ἀνακαλούμενοι Καίσαρα καὶ γυμνὰ τὰ ξίφη προϊσχόμενοι.

τῶν δὲ χιλιάρχων ὁ τὴν φυλακὴν ἔχων τοῦ στρατοπέδου Μαρτίαλισ, ὥσ φασι, μὴ συνειδώσ, ἐκπλαγεὶσ δὲ τῷ ἀπροσδοκήτῳ καὶ φοβηθεὶσ ἐφῆκεν εἰσελθεῖν. γενομένῳ δὲ ἐντὸσ οὐδεὶσ ἀντέπεσεν. οἱ γὰρ ἀγνοοῦντεσ τὰ πραττόμενα τοῖσ εἰδόσι καὶ συνεστῶσιν ἐκ παρασκευῆσ ἐμπεριεχόμενοι καθ’ ἕνα καὶ δύο σποράδεσ, ὑπὸ δέουσ τὸ πρῶτον, εἶτα πεισθέντεσ ἐπηκολούθησαν. εἰσ δὲ τὸ Παλάτιον εὐθὺσ μὲν ἀπηγγέλη τῷ Γάλβᾳ παρόντοσ ἔτι τοῦ θύτου καὶ τῶν ἱερῶν ἐν χερσὶν ὄντων, ὥστε καὶ τοὺσ πάνυ πρὸσ τὰ τοιαῦτα δυσπειθῶσ καὶ ἀτενῶσ ἔχοντασ ἐκπλήττεσθαι καὶ θαυμάζειν τὸ θεῖον ὄχλου δὲ παντοδαποῦ συρρέοντοσ ἐξ ἀγορᾶσ, αὐτῷ μὲν Οὐίνιοσ καὶ Λάκων καὶ τῶν ἀπελευθέρων ἔνιοι γυμνὰ τὰ ξίφη προϊσχόμενοι παρέστησαν, ὁ δὲ Πείσων προελθὼν τοῖσ φυλάττουσι τὴν αὐλὴν δορυφόροισ ἐνετύγχανε.

τοῦ δ’ Ἰλλυρικοῦ τάγματοσ ἐν τῇ καλουμένῃ παστάδι Βιψανίᾳ στρατοπεδεύοντοσ ἀπεστάλη Μάριοσ Κέλσοσ, ἀνὴρ ἀγαθόσ, προκαταληψόμενοσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Galba, chapter 25

(플루타르코스, Galba, chapter 25)

상위

목록

SEARCH

MENU NAVIGATION