헬라어 문장 검색 - Πλυταρ́Γαλβά24́

(플루타르코스, Galba, chapter 24)

ἐν δὲ τούτοισ Οὐετούριοσ καὶ Βάρβιοσ, ὁ μὲν ὀπτίων, ὁ δὲ τεσσεράριοσ· οὕτω γὰρ καλοῦνται οἱ διαγγέλων καὶ διοπτήρων ὑπηρεσίασ τελοῦντεσ. μεθ’ ὧν Ὄθωνοσ ἀπελεύθεροσ Ὀνόμαστοσ ἐπιφοιτῶν τοὺσ μὲν ἀργυρίῳ, τοὺσ δὲ ἐλπίσι διέφθειρεν ἤδη σαθροὺσ ὄντασ καὶ δεομένουσ προφάσεωσ. οὐ γὰρ ἦν ἡμερῶν τεσσάρων ἔργον ὑγιαίνοντοσ στρατοπέδου μεταστῆσαι πίστιν, ὅσαι μεταξὺ τῆσ εἰσποιήσεωσ ἐγένοντο καὶ τῆσ σφαγῆσ, ἕκτῃ γὰρ ἀνῃρέθησαν, ἣν ἄγουσι Ῥωμαῖοι πρὸ δεκαοκτὼ καλανδῶν Φεβρουαρίων. ἐκείνῃ γὰρ ἑώθεν εὐθὺσ ὁ μὲν Γάλβασ ἔθυεν ἐν Παλατίῳ τῶν φίλων παρόντων, ὁ δὲ θύτησ Ὀμβρίκιοσ ἅμα τῷ λαβεῖν εἰσ τὰσ χεῖρασ τοῦ ἱερείου τὰ σπλάγχνα καὶ προσιδεῖν οὐ δι’ αἰνιγμῶν, ἀλλ’ ἄντικρυσ ἔφη σημεῖα μεγάλησ ταραχῆσ, καὶ μετὰ δόλου κίνδυνον ἐκ κεφαλῆσ ἐπικείμενον τῷ αὐτοκράτορι, μονονουχὶ τὸν Ὄθωνα τοῦ θεοῦ χειρὶ ληπτὸν παραδιδόντοσ, παρῆν γὰρ ὄπισθεν τοῦ Γάλβα, καὶ προσεῖχε τοῖσ λεγομένοισ καὶ δεικνυμένοισ ὑπὸ τοῦ Ὀμβρικίου.

θορυβουμένῳ δὲ αὐτῷ καὶ χρόασ ἀμείβοντι παντοδαπὰσ ὑπὸ δέουσ παραστὰσ Ὀνόμαστοσ ἀπελεύθεροσ ἥκειν ἔφη καὶ περιμένειν αὐτὸν οἴκοι τοὺσ ἀρχιτέκτονασ, ἦν δὲ σύμβολον καιροῦ , πρὸσ ὃν ἔδει ἀπαντῆσαι τὸν Ὄθωνα τοῖσ στρατιώταισ.

εἰπὼν οὖν, ὅτι παλαιὰν ἐωνημένοσ οἰκίαν βούλεται τὰ ὕποπτα δεῖξαι τοῖσ πωληταῖσ, ἀπῆλθε, καὶ διὰ τῆσ Τιβερίου καλουμένησ οἰκίασ καταβὰσ ἐβάδιζεν εἰσ ἀγοράν, οὗ χρυσοῦσ εἱστήκει κίων, εἰσ ὃν αἱ τετμημέναι τῆσ Ἰταλίασ ὁδοὶ πᾶσαι τελευτῶσιν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Galba, chapter 24

(플루타르코스, Galba, chapter 24)

상위

목록

SEARCH

MENU NAVIGATION