헬라어 문장 검색 - Πλυταρ́Γαλβά23́

(플루타르코스, Galba, chapter 23)

οὕτω μὲν ἀνηγορεύθη Οὐϊτέλλιοσ αὐτοκράτωρ ἐν Γερμανίᾳ. πυθόμενοσ δὲ τὸν ἐκεῖ νεωτερισμὸν ὁ Γάλβασ οὐκέτι τὴν εἰσποίησιν ἀνεβάλλετο. γινώσκων δὲ τῶν φίλων ἐνίουσ μὲν ὑπὲρ Δολοβέλλα, τοὺσ δὲ πλείστουσ ὑπὲρ Ὄθωνοσ ἀρχαιρεσιάζοντασ, ὧν οὐδέτερον ἐδοκίμαζεν αὐτόσ, ἄφνω μηδὲν προειπὼν μετεπέμψατο Πείσωνα , Κράσσου καὶ Σκριβωνίασ ἔκγονον, οὓσ Νέρων ἀνῃρήκει, νεανίαν ἐν τῇ πρὸσ πᾶσαν ἀρετὴν εὐφυϊᾴ τὸ κόσμιον καὶ αὐστηρὸν ἐμφανέστατα ἔχοντα· καὶ κατέβαινεν εἰσ τὸ στρατόπεδον ἐκεῖνον ἀποδείξων Καίσαρα καὶ διάδοχον.

καίτοι μεγάλαι μὲν εὐθὺσ ἐξιόντι διοσημίαι παρηκολούθουν, ἀρξαμένου δὲ τὰ μὲν λέγειν ἐν τῷ στρατοπέδῳ, τὰ δὲ ἀναγινώσκειν, τοσαυτάκισ ἐβρόντησε καὶ κατήστραψε, καὶ τοσοῦτοσ ὄμβροσ καὶ ζόφοσ ἐξεχύθη εἰσ τὸ στρατόπεδον καὶ τὴν πόλιν, ὡσ κατάδηλον εἶναι μὴ προσιέμενον μηδὲ ἐπαινοῦν τὸ δαιμόνιον γινομένην οὐκ ἐπ’ ἀγαθῷ τὴν εἰσποίησιν. ἦν δὲ καὶ τὰ τῶν στρατιωτῶν ὕπουλα καὶ σκυθρωπὰ μηδὲ τότε δωρεᾶσ αὐτοῖσ δοθείσησ.

τοῦ δὲ Πείσωνοσ οἱ παρόντεσ ἐθαύμασαν τῇ τε φωνῇ τεκμαιρόμενοι καὶ τῷ προσώπῳ τὸ τηλικαύτην χάριν ἀνεμπλήκτωσ, οὐ μὴν ἀναισθήτωσ δεχόμενον, ὥσπερ αὖ τοῦ Ὄθωνοσ ἐπεφαίνετο πολλὰ σημεῖα τῇ μορφῇ πικρῶσ καὶ σὺν ὀργῇ τῆσ ἐλπίδοσ τὴν ἀπότευξιν φέροντοσ, ἧσ πρῶτοσ ἀξιωθεὶσ καὶ τοῦ τυχεῖν ἐγγυτάτω γενόμενοσ τὸ μὴ τυχεῖν ἐποιεῖτο σημεῖον ἔχθουσ ἅμα καὶ κακονοίασ τοῦ Γάλβα πρὸσ αὐτόν. ὅθεν οὐδὲ ἄφοβοσ ἦν περὶ τοῦ μέλλοντοσ, ἀλλὰ καὶ τὸν Πείσωνα δεδιὼσ καὶ τὸν Γάλβαν προβαλλόμενοσ καὶ τῷ Οὐινίῳ χαλεπαίνων ἀπῄει πολλῶν παθῶν πλήρησ, οὐδὲ γὰρ τὸ ἐλπίζον ἐκλιπεῖν οὐδὲ ἀπαγορεῦσαι παντάπασιν εἰών οἱ περὶ αὐτὸν ὄντεσ ἀεὶ μάντεισ καὶ Χαλδαῖοι, εἰσ τὰ μάλιστα δὲ Πτολεμαῖοσ ἰσχυριζόμενοσ τῷ προειπεῖν πολλάκισ ὡσ οὐκ ἀποκτενεῖ Νέρων αὐτόν, ἀλλὰ τεθνήξεται πρότεροσ, αὐτὸσ δὲ περιέσται καὶ ἄρξει Ῥωμαίων ἐκεῖνο γὰρ ἀληθὲσ ἀποδείξασ ἠξίου μηδὲ ταῦτα ἀπελπίζειν·

οὐχ ἥκιστα δ’ οἱ συναχθόμενοι κρύφα καὶ συνεπιστένοντεσ ὡσ ἀχάριστα πεπονθότι. πλεῖστοι δὲ τῶν περὶ Τιγελλῖνον καὶ Νυμφίδιον ἐν τιμῇ γεγονότων ἀπερριμμένοι τότε καὶ ταπεινὰ πράττοντεσ ἐφθείροντο πρὸσ αὐτὸν καὶ συνηγανάκτουν καὶ παρώξυνον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Galba, chapter 23

(플루타르코스, Galba, chapter 23)

상위

목록

SEARCH

MENU NAVIGATION