헬라어 문장 검색 - Πλυταρ́Γαλβά14́

(플루타르코스, Galba, chapter 14)

ἔδοξεν οὖν περὶ μέσασ νύκτασ εἰσ τὴν παρεμβολὴν παραγαγόντασ ἀναδεικνύειν αὐτοκράτορα τὸν Νυμφίδιον. πρῶτοσ δὲ τῶν χιλιάρχων Ἀντώνιοσ Ὁνωράτοσ ἑσπέρασ γενομένησ τοὺσ ὑφ’ ἑαυτῷ στρατιώτασ συναγαγὼν ἐκάκιζε μὲν αὑτόν, ἐκάκιζε δὲ ἐκείνουσ ἐν ὀλίγῳ χρόνῳ τροπὰσ τοσαύτασ τρεπομένουσ κατ’ οὐδένα λογισμὸν οὐδὲ αἱρ́εσιν ἀμεινόνων, ἀλλὰ δαίμονόσ τινοσ αὐτοὺσ ἐκ προδοσίασ εἰσ προδοσίαν ἐλαύνοντοσ. καὶ τὰ μὲν πρῶτα προφάσεισ ἔχειν τὰ Νέρωνοσ ἐγκλήματα·

νῦν δὲ Γάλβαν προδιδόναι, τίνα φόνον μητρὸσ ἐγκαλοῦντασ ἢ σφαγὴν γυναικόσ, ἢ ποίαν αἰδουμένουσ θυμέλην ἢ τραγῳδίαν τοῦ αὐτοκράτοροσ; "ἀλλ’ οὐδὲ ἐκεῖνον ἐπὶ τούτοισ ὑπεμείναμεν ἐγκαταλιπεῖν, ἀλλὰ Νυμφιδίῳ πεισθέντεσ ὅτι πρῶτοσ ἡμᾶσ ἐγκατέλιπε καὶ πέφευγεν εἰσ Αἴγυπτον. "πότερον οὖν Νέρωνι Γάλβαν ἐπιθυσώμεθα, καὶ τὸν ἐκ Νυμφιδίασ ἑλόμενοι Καίσαρα τὸν ἐκ Λιβίασ ἀνέλωμεν, ὡσ τὸν ἐξ Ἀγριππίνησ ἀνείλομεν; "ἢ τούτῳ δίκην ἐπιθέντεσ ὧν δέδρακε, τιμωροὶ μὲν Νέρωνοσ, Γάλβα δὲ φύλακεσ ἀγαθοὶ καὶ πιστοὶ φανῶμεν; ταῦτα λέγοντι τῷ χιλιάρχῳ προσέθεντο πάντεσ οἱ στρατιῶται, καὶ τοὺσ ἄλλουσ προσιόντεσ ἐμμένειν παρεκάλουν τῇ πρὸσ τὸν αὐτοκράτορα πίστει·

καὶ τοὺσ πλείουσ μετέστησαν.

ἀρθείσησ δὲ βοῆσ, εἴτε πεισθεὶσ ὁ Νυμφίδιοσ, ὥσ φασιν ἔνιοι, καλεῖν αὐτὸν ἤδη τοὺσ στρατιώτασ, εἴτε προλαβεῖν σπεύδων τὸ θορυβοῦν ἔτι καὶ διστάζον, ὑπὸ φωτὶ πολλῷ προῄει, λόγον τινὰ κομίζων ἐν βιβλίῳ γεγραμμένον ὑπὸ Κιγγωνίου Βάρρωνοσ, ὃν ἐκμεμελετήκει πρὸσ τοὺσ στρατιώτασ εἰπεῖν. ἰδὼν δὲ κεκλεισμένασ τοῦ στρατοπέδου τὰσ πύλασ καὶ περὶ τὰ τείχη πολλοὺσ ὡπλισμένουσ ἔδεισε·

καὶ προσιὼν ἠρώτα τί βούλονται καί τινοσ κελεύσαντοσ ἐν ὅπλοισ γεγόνασιν. ἀπαντώσησ δ’ αὐτῷ παρὰ πάντων μιᾶσ φωνῆσ, Γάλβαν αὐτοκράτορα γινώσκειν, κἀκεῖνοσ ὁμόσε χωρῶν ἐπευφήμει καὶ τοὺσ ἑπομένουσ ἐκέλευε. τῶν δὲ παρὰ τὰσ πύλασ παρέντων αὐτὸν εἰσελθεῖν μετ’ ὀλίγων αὐτὸσ ἀκοντίζεται λόγχῃ·

καὶ ταύτην μὲν ἐδέξατο πρὸ αὐτοῦ θυρεῷ Σεπτίμιοσ, ἄλλων δὲ γυμνοῖσ ξίφεσιν ἐπιφερομένων φυγὼν καὶ διωχθεὶσ ἐν οἰκήματι στρατιώτου σφάττεται. καὶ τὸν νεκρὸν εἰσ μέσον ἑλκύσαντεσ καὶ περιβαλόντεσ κιγκλίδα θέαμα τοῖσ βουλομένοισ μεθ’ ἡμέραν παρέσχον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Galba, chapter 14

(플루타르코스, Galba, chapter 14)

상위

목록

SEARCH

MENU NAVIGATION