Plutarch, Galba, chapter 14 2:

καὶ τὰ μὲν πρῶτα προφάσεισ ἔχειν τὰ Νέρωνοσ ἐγκλήματα· νῦν δὲ Γάλβαν προδιδόναι, τίνα φόνον μητρὸσ ἐγκαλοῦντασ ἢ σφαγὴν γυναικόσ, ἢ ποίαν αἰδουμένουσ θυμέλην ἢ τραγῳδίαν τοῦ αὐτοκράτοροσ; "ἀλλ’ οὐδὲ ἐκεῖνον ἐπὶ τούτοισ ὑπεμείναμεν ἐγκαταλιπεῖν, ἀλλὰ Νυμφιδίῳ πεισθέντεσ ὅτι πρῶτοσ ἡμᾶσ ἐγκατέλιπε καὶ πέφευγεν εἰσ Αἴγυπτον. "πότερον οὖν Νέρωνι Γάλβαν ἐπιθυσώμεθα, καὶ τὸν ἐκ Νυμφιδίασ ἑλόμενοι Καίσαρα τὸν ἐκ Λιβίασ ἀνέλωμεν, ὡσ τὸν ἐξ Ἀγριππίνησ ἀνείλομεν; "ἢ τούτῳ δίκην ἐπιθέντεσ ὧν δέδρακε, τιμωροὶ μὲν Νέρωνοσ, Γάλβα δὲ φύλακεσ ἀγαθοὶ καὶ πιστοὶ φανῶμεν;