Plutarch, Galba, chapter 8 4:

τῶν δ’ ὑπάτων οἰκέτασ δημοσίουσ προχειρισαμένων τὰ δόγματα κομίζοντασ τῷ αὐτοκράτορι, καὶ τὰ καλούμενα διπλώματα σεσημασμένα δόντων, ἃ γνωρίζοντεσ οἱ κατὰ πόλιν ἄρχοντεσ ἐν ταῖσ τῶν ὀχημάτων ἀμοιβαῖσ ἐπιταχύνουσι τὰσ προπομπὰσ τῶν γραμματηφόρων, οὐ μετρίωσ ἠγανάκτησεν ὅτι μὴ παρ’ αὐτοῦ καὶ σφραγῖδα καὶ στρατιώτασ λαβόντεσ ἀνέπεμψαν, ἀλλὰ λέγεται καὶ βουλεύσασθαι περὶ τῶν ὑπάτων, εἶτα τὴν ὀργὴν ἀπολογησαμένοισ καὶ δεηθεῖσιν ἀνῆκε, τῷ δὲ δήμῳ χαριζόμενοσ οὐκ ἐκώλυε τὸν παραπίπτοντα τῶν Νέρωνοσ ἀποτυμπανίζειν.