Plutarch, Galba, chapter 8 1:

ἐν δὲ Ῥώμῃ Νυμφίδιοσ Σαβῖνοσ, οὐκ ἠρέμα καὶ κατὰ μικρόν, ἀλλὰ συλλήβδην ὁμοῦ, πάντα πράγματα φέρων περιήνεγκεν εἰσ ἑαυτόν, ὡσ Γάλβαν μὲν ὄντα πρεσβύτην καὶ μόλισ εἰσ Ῥώμην ἐξαρκέσοντα φοράδην κομισθῆναι διὰ γῆρασ ἦν γὰρ ἐτῶν τριῶν καὶ ἑβδομήκοντα· τὰ δὲ αὐτόθι στρατεύματα, καὶ πάλαι πρὸσ αὐτὸν εὐνόωσ ἔχοντα καὶ νῦν ἑνὸσ ἐξηρτημένα μόνου, διὰ τὸ τῆσ δωρεᾶσ μέγεθοσ εὐεργέτην ἐκεῖνον ἡγεῖσθαι, Γάλβαν δὲ χρεωφειλέτην.