헬라어 문장 검색 - Πλυταρ́Γαλβά04́

(플루타르코스, Galba, chapter 4)

ἐπεὶ δέ, τῶν ἀλιτηρίων ἐπιτρόπων ὠμῶσ καὶ ἀγρίωσ τὰσ ἐπαρχίασ ἐκείνῳ διαφορούντων, ἄλλο μὲν εἶχεν οὐδὲν βοηθεῖν, αὐτῷ δὲ τῷ φανερὸσ εἶναι συναλγῶν καὶ συναδικούμενοσ ἁμῶσ γέ πωσ ἀναπνοήν τινα καὶ παραμυθίαν τοῖσ καταδικαζομένοισ καὶ πωλουμένοισ παρέσχε· καὶ ποιημάτων εἰσ Νέρωνα γινομένων καὶ πολλαχοῦ περιφερομένων καὶ ᾀδομένων, οὐκ ἐκώλυεν οὐδὲ συνηγανάκτει τοῖσ ἐπιτρόποισ· καὶ γὰρ ἦν ἤδη συνήθησ, ἔτοσ ὄγδοον ἐκεῖνο τὴν ἀρχὴν ἔχων ἐν ᾧ Ιοὔνιοσ Οὐίνδιξ ἐπανέστη Νέρωνι, Γαλατίασ ὢν στρατηγόσ.

λέγεται μὲν οὖν καὶ πρὸ τῆσ ἐμφανοῦσ ἀποστάσεωσ γράμματα πρὸσ αὐτὸν ἀφικέσθαι παρὰ τοῦ Οὐίνδικοσ, οἷσ μήτε πιστεῦσαι μήτε μηνῦσαι καὶ κατειπεῖν, ὡσ ἕτεροι τῶν ἡγεμονικῶν ἐπιστολὰσ αὐτοῖσ γραφείσασ ἔπεμψαν πρὸσ Νέρωνα καὶ διέφθειραν ὅσον ἐπ’ αὐτοῖσ τὴν πρᾶξιν, ἧσ ὕστερον μετασχόντεσ ὡμολόγησαν αὑτῶν οὐδὲν ἧττον ἢ ἐκείνου προδόται γεγονέναι. ἀλλ’ ἐπειδὴ λαμπρῶσ τὸν πόλεμον ἐκφήνασ ὁ Οὐίνδιξ ἔγραψε τῷ Γάλβᾳ παρακαλῶν ἀναδέξασθαι τὴν ἡγεμονίαν καὶ παρασχεῖν ἑαυτὸν ἰσχυρῷ σώματι ζητοῦντι κεφαλήν, ταῖσ Γαλατίαισ δέκα μυριάδασ ἀνδρῶν ὡπλισμένων ἐχούσαισ ἄλλασ τε πλείονασ ὁπλίσαι δυναμέναισ, προὔθηκε βουλὴν τοῖσ φίλοισ.

ὧν οἱ μὲν ἠξίουν περιμένειν καραδοκοῦντα τίνα κίνησιν ἡ Ῥώμη καὶ φορὰν ἕξει πρὸσ τὸν νεωτερισμόν· Τίτοσ δὲ Οὐίνιοσ ὁ τοῦ στρατηγικοῦ τάγματοσ ἡγεμὼν αὐτοῖσ εἶπεν·

"ὦ Γάλβα, τίνα τρόπον βουλεύεσθε ; "τὸ γὰρ ζητεῖν Νέρωνι εἰ πιστοὶ μενοῦμεν, οὐκ ἤδη μενόντων ἐστίν, ὡσ οὖν ὑπάρχοντοσ ἐχθροῦ Νέρωνοσ οὐ δὴ προετέον τὴν τοῦ Οὐίνδικοσ φιλίαν, ἢ καὶ κατηγορητέον εὐθὺσ αὐτοῦ καὶ πολεμητέον, ὅτι σὲ βούλεται Ῥωμαίουσ ἔχειν ἄρχοντα μᾶλλον ἢ Νέρωνα τύραννον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Galba, chapter 4

(플루타르코스, Galba, chapter 4)

상위

목록

SEARCH

MENU NAVIGATION