헬라어 문장 검색 - Πλυταρ́Δεξυριό12́

(플루타르코스, De curiositate, section 12)

δεύτερον τοίνυν ἐθιζώμεθα θύραν παριόντεσ ἀλλοτρίαν μὴ βλέπειν εἴσω μηδὲ τῶν ἐντὸσ ἐπιδράττεσθαι τῇ ὄψει καθάπερ χειρὶ τῆσ περιεργίασ, ἀλλὰ τὸ τοῦ Ξενοκράτουσ ἔχωμεν πρόχειρον, ὃσ ἔφη μηδὲν διαφέρειν ἢ τοὺσ πόδασ ἢ τοὺσ ὀφθαλμοὺσ εἰσ ἀλλοτρίαν οἰκίαν τιθέναι· οὔτε γὰρ δίκαιον οὔτε καλόν, ἀλλ’ οὐδ’ ἡδὺ τὸ θέαμα· δύσμορφα μέντοι τἄνδον εἰσιδεῖν, ξένε· τὰ γὰρ πολλὰ τοιαῦτα τῶν ἐν ταῖσ οἰκίαισ, σκευάρια κείμενα καὶ θεραπαινίδια καθεζόμενα καὶ σπουδαῖον οὐδὲν οὐδ’ ἐπιτερπέσ. ἡ δὲ συνδιαστρέφουσα τὴν ψυχὴν παράβλεψισ αὕτη καὶ παρατόξευσισ αἰσχρὰ καὶ τὸ ἔθοσ μοχθηρόν. "τὸν ἀθλητὴν ὑπὸ παιδισκαρίου τραχηλιζόμενον; τοὺσ δὲ πολυπράγμονασ ἴδοισ ἂν ὑπὸ παντὸσ ὁμοίωσ θεάματοσ τραχηλιζομένουσ καὶ περιαγομένουσ ὅταν ἔθοσ καὶ μελέτη γένηται τῆσ ὄψεωσ αὐτοῖσ πανταχοῦ διαφορουμένησ. δεῖ δ’, ὡσ οἶμαι, μὴ καθάπερ θεράπαιναν ἀνάγωγον ἔξω ῥέμβεσθαι τὴν αἴσθησιν, ἀλλ’ ἀποπεμπομένην ὑπὸ τῆσ ψυχῆσ ἐπὶ τὰ πράγματα συντυγχάνειν αὐτοῖσ ταχὺ καὶ διαγγέλλειν εἶτα πάλιν κοσμίωσ ἐντὸσ εἶναι τοῦ λογισμοῦ καὶ προσέχειν αὐτῷ.

νῦν δὲ συμβαίνει τὸ τοῦ Σοφοκλέουσ· ἔπειτα δ’ Αἰνιᾶνοσ ἀνδρὸσ ἄστομοι πῶλοι βίᾳ φοροῦσιν· αἱ μὴ τυχοῦσαι παιδαγωγίασ ὥσπερ ἐλέγομεν ὀρθῆσ μηδ’ ἀσκήσεωσ αἰσθήσεισ προεκτρέχουσαι καὶ συνεφελκόμεναι πολλάκισ εἰσ ἃ μὴ δεῖ καταβάλλουσι τὴν διάνοιαν. ὅθεν ἐκεῖνο μὲν ψεῦδόσ ἐστι, τὸ Δημόκριτον ἑκουσίωσ σβέσαι τὰσ ὄψεισ ἀπερεισάμενον εἰσ ἔσοπτρον πυρωθὲν καὶ τὴν ἀπ’ αὐτοῦ ἀνάκλασιν δεξάμενον, ὅπωσ μὴ παρέχωσι θόρυβον τὴν διάνοιαν ἔξω καλοῦσαι πολλάκισ, ἀλλ’ ἐῶσιν ἔνδον οἰκουρεῖν καὶ διατρίβειν πρὸσ τοῖσ νοητοῖσ, ὥσπερ παρόδιοι θυρίδεσ ἐμφραγεῖσαι· τοῦτο μέντοι παντὸσ μᾶλλον ἀληθέσ ἐστιν, ὅτι τὴν αἴσθησιν ὀλίγιστα κινοῦσιν οἱ πλεῖστα τῇ διανοίᾳ χρώμενοι.

μέγα πρὸσ εὑρ́εσιν τῶν ζητουμένων καὶ σκέψιν ἡγούμενοι τὴν ἡσυχίαν καὶ τὸ ἀπερίσπαστον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, De curiositate, section 12

(플루타르코스, De curiositate, section 12)

상위

목록

SEARCH

MENU NAVIGATION