Plutarch, De curiositate, section 9

(플루타르코스, De curiositate, section 9)

τῇ μὲν οὖν πολυμαθείᾳ τὴν πολυλογίαν ἕπεσθαι συμβαίνει διὸ καὶ Πυθαγόρασ ἔταξε τοῖσ νέοισ πενταετῆ σιωπήν, ἐχεμυθίαν προσαγορεύσασ, τῇ δὲ περιεργίᾳ τὴν κακολογίαν ἀνάγκη συνακολουθεῖν ἃ γὰρ ἡδέωσ ἀκούουσιν ἡδέωσ λαλοῦσι, καὶ ἃ παρ’ ἄλλων σπουδῇ συλλέγουσι πρὸσ ἑτέρουσ μετὰ χαρᾶσ ἐκφέρουσιν. ὅθεν αὐτοῖσ μετὰ τῶν ἄλλων κακῶν τὸ νόσημα καὶ πρὸσ τὴν ἐπιθυμίαν ἐμποδών ἐστι. πάντεσ γὰρ αὐτοὺσ φυλάττονται καὶ ἀποκρύπτονται, καὶ οὔτε πρᾶξαί τι πολυπράγμονοσ ὁρῶντοσ οὔτ’ εἰπεῖν ἀκούοντοσ ἡδέωσ ἔχουσιν, ἀλλὰ καὶ βουλὰσ ἀνατίθενται καὶ σκέψεισ πραγμάτων ὑπερβάλλονται, μέχρι ἂν ἐκποδὼν ὁ τοιοῦτοσ γένηται· κἂν ἢ λόγου τινὸσ ἀπορρήτου παρόντοσ ἢ πράξεωσ σπουδαίασ περαινομένησ ἀνὴρ πολυπράγμων ἐπιφανῇ, καθάπερ ὄψον γαλῆσ παραδραμούσησ αἴρουσιν ἐκ μέσου καὶ ἀποκρύπτουσιν ὥστε πολλάκισ τὰ τοῖσ ἄλλοισ ῥητὰ καὶ θεατὰ τούτοισ μόνοισ ἄρρητα καὶ ἀθέατα γίνεσθαι. διὸ καὶ πίστεωσ ἁπάσησ ἔρημοσ ὁ πολυπράγμων ἐστὶν οἰκέταισ γοῦν καὶ ξ ξένοισ πιστεύομεν μᾶλλον ἐπιστολὰσ καὶ γράμματα καὶ σφραγῖδασ ἢ φίλοισ καὶ οἰκείοισ πολυπράγμοσιν. ὁ δὲ Βελλεροφόντησ ἐκεῖνοσ οὐδὲ καθ’ ἑαυτοῦ γράμματα κομίζων ἔλυσεν, ἀλλ’ ἀπέσχετο τῆσ ἐπιστολῆσ τοῦ βασιλέωσ ὡσ τῆσ γυναικὸσ διὰ τὴν αὐτὴν ἐγκράτειαν.

ἀκρασίασ γὰρ τὸ πολυπραγμονεῖν ὡσ καὶ τὸ μοιχεύειν, καὶ πρὸσ τῇ ἀκρασίᾳ δεινῆσ ἀνοίασ καὶ ἀφροσύνησ· τὸ γὰρ τοσαύτασ παρελθόντα κοινὰσ καὶ δεδημοσιωμένασ γυναῖκασ ἐπὶ τὴν κατάκλειστον ὠθεῖσθαι καὶ πολυτελῆ, πολλάκισ ἂν οὕτω τύχῃ καὶ ἄμορφον οὖσαν, ὑπερβολὴ μανίασ καὶ παραφροσύνησ. ταὐτὸν δ’ οἱ πολυπράγμονεσ ποιοῦσι;

πολλὰ καὶ καλὰ θεάματα καὶ ἀκούσματα καὶ σχολὰσ καὶ διατριβὰσ παρελθόντεσ, ἐπιστόλια διορύττουσιν ἀλλότρια καὶ παραβάλλουσι γειτόνων τοίχοισ τὰ ὦτα καὶ συμψιθυρίζουσιν οἰκέταισ καὶ γυναίοισ, πολλάκισ μὲν οὐδ’ ἀκινδύνωσ ἀεὶ δ’ ἀδόξωσ.

일치하는 문장이 없습니다.

SEARCH

MENU NAVIGATION