Plutarch, De curiositate, section 4

(플루타르코스, De curiositate, section 4)

καὶ καθάπερ τοῦ κωμῳδουμένου Κλέωνοσ τὼ χεῖρ’ ἐν Αἰτωλοῖσ, ὁ νοῦσ δ’ ἐν Κλωπιδῶν, οὕτω τοῦ πολυπράγμονοσ ὁ νοῦσ ἅμ’,’ ἐν πλουσίων οἴκοισ ἐστίν, ἐν δωματίοισ πενήτων, ἐν αὐλαῖσ βασιλέων, ἐν θαλάμοισ νεογάμων· πάντα πράγματα ζητεῖ, τὰ ξένων, τὰ ἡγεμόνων, οὐδ’ ἀκινδύνωσ ταῦτα ζητῶν ἀλλ’ οἱο͂ν, εἴ τισ ἀκονίτου γεύοιτο πολυπραγμονῶν τὴν ποιότητα, φθάσειεν ἂν τῆσ αἰσθήσεωσ προανελὼν τὸν αἰσθανόμενον, οὕτωσ οἱ τὰ τῶν μειζόνων κακὰ ζητοῦντεσ προαναλίσκουσι τῆσ γνώσεωσ ἑαυτούσ. καὶ γὰρ οἱ τοῦ ἡλίου τὴν ἄφθονόν γε ταύτην καὶ κατακεχυμένην ἅπασιν ἀκτῖνα παρορῶντεσ, αὐτὸν δὲ τὸν κύκλον ἀναιδῶσ καταβλέπειν καὶ διαστέλλειν τὸ φῶσ εἴσω βιαζόμενοι καὶ τολμῶντεσ ἀποτυφλοῦνται. "τίνοσ σοι τῶν ἐμῶν μεταδῶ; "ὦ βασιλεῦ, μὴ τῶν ἀπορρήτων. τὰ γὰρ ἥδιστα καὶ κάλλιστα τῶν βασιλέων ἔξω πρόκειται, τὰ δεῖπνα, οἱ πλοῦτοι, αἱ πανηγύρεισ, αἱ χάριτεσ· εἰ δέ τι ἀπόρρητόν ἐστι, μὴ προσέλθῃσ μηδὲ κινήσῃσ. οὐ κρύπτεται χαρὰ βασιλέωσ εὐτυχοῦντοσ οὐδὲ γέλωσ παίζοντοσ οὐδὲ φιλανθρωπίασ παρασκευὴ καὶ χάριτοσ· φοβερόν ἐστι τὸ κρυπτόμενον, σκυθρωπὸν ἀγέλαστον δυσπρόσιτον, ὀργῆσ τινοσ ὑπούλου θησαυρὸσ ἢ τιμωρίασ βαρυθύμου σκέψισ ἢ ζηλοτυπία γυναικὸσ ἢ πρὸσ υἱὸν ὑποψία τισ ἢ πρὸσ φίλον ἀπιστία.

φεῦγε τὸ μελαῖνον τοῦτο καὶ συνιστάμενον νέφοσ· οὐ λήσεταὶ σε βροντῆσαν οὐδ’ ἀστράψαν ὅταν ἐκραγῇ τὸ νῦν κρυπτόμενον.

일치하는 문장이 없습니다.

SEARCH

MENU NAVIGATION