Plutarch, De curiositate, section 10

(플루타르코스, De curiositate, section 10)

διὸ καὶ χρήσιμον ὡσ ἔνι μάλιστα πρὸσ τὴν ἀποτροπὴν τοῖσ πολυπράγμοσιν ἡ τῶν προεγνωσμένων ἀνάμνησισ. ἂν γάρ, ὥσπερ ὁ Σιμωνίδησ ἔλεγε τὰσ κιβωτοὺσ ἀνοίγων διὰ χρόνου τὴν μὲν τῶν μισθῶν ἀεὶ μεστὴν τὴν δὲ τῶν χαρίτων εὑρίσκειν κενήν, οὕτωσ τισ τῆσ πολυπραγμοσύνησ τὴν ἀποθήκην ἀνοίγῃ διὰ χρόνου καὶ κατασκέπτηται πολλῶν ἀχρήστων καὶ ματαίων καὶ ἀτερπῶν γέμουσαν, ἴσωσ ἂν αὐτῷ τὸ πρᾶγμα προσταίη, φανὲν ἀηδὲσ παντάπασι καὶ φλυαρῶδεσ. φέρε γάρ, εἴ τισ ἐπιὼν τὰ συγγράμματα τῶν παλαιῶν ἐκλαμβάνοι τὰ κάκιστα τῶν ἐν αὐτοῖσ, καὶ βιβλίον ἔχοι συντεταγμένον, οἱο͂ν Ὁμηρικῶν στίχων ἀκεφάλων καὶ τραγικῶν σολοικισμῶν καὶ τῶν ὑπ’ Ἀρχιλόχου πρὸσ τὰσ γυναῖκασ ἀπρεπῶσ καὶ ἀκολάστωσ εἰρημένων, ἑαυτὸν παραδειγματίζοντοσ, ἆρ’ οὐκ ἔστι τῆσ τραγικῆσ κατάρασ ἄξιοσ, ὄλοιο θνητῶν ἐκλέγων τὰσ συμφοράσ; καὶ ἄνευ δὲ τῆσ κατάρασ ἀπρεπὴσ καὶ ἀνωφελὴσ ὁ θησαυρισμὸσ αὐτοῦ τῶν ἀλλοτρίων ἁμαρτημάτων ὥσπερ ἡ πόλισ, ἣν ἐκ τῶν κακίστων καὶ ἀναγωγοτάτων κτίσασ ὁ Φίλιπποσ Πονηρόπολιν προσηγόρευσεν.

οἱ τοίνυν πολυπράγμονεσ, οὐ στίχων οὐδὲ ποιημάτων, ἀλλὰ βίων ἀστοχήματα καὶ πλημμελήματα καὶ σολοικισμοὺσ ἀναλεγόμενοι καὶ συνάγοντεσ, ἀμουσότατον καὶ ἀτερπέστατον κακῶν γραμματοφυλακεῖον τὴν ἑαυτῶν μνήμην περιφέρουσιν. πρώτων ἀναμιμνησκέτωσαν ἑαυτοὺσ ὅτι χάριν καὶ ὄνησιν οὐδεμίαν ἤνεγκε.

일치하는 문장이 없습니다.

SEARCH

MENU NAVIGATION