Plutarch, De curiositate, section 7 2:

ὅθεν μισοῦνται δικαίωσ. καὶ γὰρ τοὺσ τελώνασ βαρυνόμεθα καὶ δυσχεραίνομεν, οὐχ ὅταν τὰ ἐμφανῆ τῶν εἰσαγομένων ἐκλέγωσιν, ἀλλ’ ὅταν τὰ κεκρυμμένα ζητοῦντεσ ἐν ἀλλοτρίοισ σκεύεσι καὶ φορτίοισ ἀναστρέφωνται· καίτοι τοῦτο ποιεῖν ὁ νόμοσ δίδωσιν αὐτοῖσ, καὶ βλάπτονται μὴ ποιοῦντεσ. οἱ δὲ πολυπράγμονεσ ἀπολλύουσι καὶ προϊένται τὰ αὑτῶν ἀσχολούμενοι περὶ τἀλλότρια καὶ σπανίωσ μὲν εἰσ ἀγρὸν βαδίζουσι, τὸ ἥσυχον καὶ σιωπηρὸν τῆσ ἐρημίασ οὐ φέροντεσ·