헬라어 문장 검색 - Πλυταρ́Δεξυριό07́

(플루타르코스, De curiositate, section 7)

οὕτω δ’ ἑκάστῳ λυπηρόν ἐστιν ἡ τῶν περὶ αὐτὸν κακῶν ἀνακάλυψισ, ὥστε πολλοὺσ ἀποθανεῖν πρότερον ἢ δεῖξαί τι τῶν ἀπορρήτων νοσημάτων ἰατροῖσ. φέρε γὰρ Ἡρόφιλον ἢ Ἐρασίστρατον ἢ τὸν Ἀσκληπιὸν αὐτόν, ὅτ’ ἦν ἄνθρωποσ, ἔχοντα τὰ φάρμακα καὶ τὰ ὄργανα, κατ’ οἰκίαν προσιστάμενον ἀνακρίνειν μή τισ ἔχει σύριγγα παρὰ δακτύλιον ἢ γυνὴ καρκίνον ἐν ὑστέρᾳ· καίτοι σωτήριόν ἐστι τῆσ τέχνησ ταύτησ τὸ πολύπραγμον ἀλλὰ πᾶσ ἄν τισ, οἶμαι, τὸν τοιοῦτον ἀπήλασεν, ὅτι τὴν χρείαν οὐ περιμένων ἄκλητοσ ἐπ’ ἀλλοτρίων κακῶν ἔρχεται κατανόησιν. οἱ δὲ πολυπράγμονεσ αὐτὰ ταῦτα καὶ τὰ τούτων ἔτι χείρονα ζητοῦσιν, οὐ θεραπεύοντεσ ἀλλὰ μόνον ἀνακαλύπτοντεσ· ὅθεν μισοῦνται δικαίωσ.

καὶ γὰρ τοὺσ τελώνασ βαρυνόμεθα καὶ δυσχεραίνομεν, οὐχ ὅταν τὰ ἐμφανῆ τῶν εἰσαγομένων ἐκλέγωσιν, ἀλλ’ ὅταν τὰ κεκρυμμένα ζητοῦντεσ ἐν ἀλλοτρίοισ σκεύεσι καὶ φορτίοισ ἀναστρέφωνται· καίτοι τοῦτο ποιεῖν ὁ νόμοσ δίδωσιν αὐτοῖσ, καὶ βλάπτονται μὴ ποιοῦντεσ. οἱ δὲ πολυπράγμονεσ ἀπολλύουσι καὶ προϊένται τὰ αὑτῶν ἀσχολούμενοι περὶ τἀλλότρια καὶ σπανίωσ μὲν εἰσ ἀγρὸν βαδίζουσι, τὸ ἥσυχον καὶ σιωπηρὸν τῆσ ἐρημίασ οὐ φέροντεσ· ἐὰν δὲ καὶ παραβάλωσι διὰ χρόνου, ταῖσ τῶν γειτόνων ἀμπέλοισ ἐμβλέπουσι μᾶλλον ἢ ταῖσ ἰδίαισ·

καὶ πυνθάνονται πόσοι βόεσ τοῦ γείτονοσ ἀποτεθνήκασιν ἢ πόσοσ οἶνοσ ὀξίνησ γέγονε· ταχὺ δὲ τούτων ἐμπλησθέντεσ ἀποτρέχουσιν. ὁ μὲν γὰρ ἀληθινὸσ ἐκεῖνοσ γεωργὸσ οὐδὲ τὸν αὐτομάτωσ ἐρχόμενον ἐκ πόλεωσ λόγον ἡδέωσ προσδέχεται, λέγων, εἶτά μοι σκάπτων ἐρεῖ ἐφ’ οἷσ γεγόνασιν αἱ διαλύσεισ· ταῦτα γὰρ πολυπραγμονῶν νῦν ὁ κατάρατοσ περιπατεῖ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, De curiositate, section 7

(플루타르코스, De curiositate, section 7)

상위

목록

SEARCH

MENU NAVIGATION