Plutarch, De curiositate, section 1 2:

εἰ δὲ μή, μεταλαμβάνειν γε καὶ μεθαρμόττειν ἁμωσγέπωσ περιάγοντασ ἢ στρέφοντασ, οἱο͂ν εὐθὺσ ἡ πολυπραγμοσύνη φιλομάθειὰ τίσ ἐστιν ἀλλοτρίων κακῶν, οὔτε φθόνου δοκοῦσα καθαρεύειν νόσοσ οὔτε κακοηθείασ τί τἀλλότριον, ἄνθρωπε βασκανώτατε, κακὸν ὀξυδορκεῖσ τὸ δ’ ἴδιον παραβλέπεισ; μετάθεσ ἔξωθεν καὶ μετάστρεψον εἴσω τὴν πολυπραγμοσύνην· εἰ χαίρεισ κακῶν μεταχειριζόμενοσ ἱστορίαν, ἔχεισ οἴκοι πολλὴν διατριβήν· ὅσσον ὕδωρ κατ’ Ἀλιζόνοσ ἢ δρυὸσ ἀμφὶ πέτηλα, τοσοῦτον πλῆθοσ εὑρήσεισ ἁμαρτημάτων ἐν τῷ βίῳ καὶ παθῶν ἐν τῇ ψυχῇ καὶ παροραμάτων ἐν τοῖσ καθήκουσιν.