헬라어 문장 검색 - Πλυταρ́Αγεσιλά39́

(플루타르코스, Agesilaus, chapter 39)

ἐπελθόντων δὲ τῶν πολεμίων καὶ περιταφρευόντων τὴν πόλιν, αὖθισ αὖ δείσασ τὴν πολιορκίαν ὁ Αἰγύπτιοσ ἐβούλετο μάχεσθαι καὶ τοὺσ Ἕλληνασ μάλα συμπροθυμουμένουσ εἶχεν· οὐ γὰρ ἦν ἐν τῷ χωρίῳ σῖτοσ, ὁ δὲ Ἀγησίλαοσ οὐκ ἐῶν, ἀλλὰ κωλύων ἤκουε μὲν ἔτι μᾶλλον κακῶσ ἢ πρότερον ὑπὸ τῶν Αἰγυπτίων καὶ προδότησ ἀπεκαλεῖτο τοῦ βασιλέωσ, ἔφερε δὲ πρᾳότερον ἤδη τὰσ διαβολὰσ καὶ προσεῖχε τῷ καιρῷ τοῦ στρατηγήματοσ. ἦν δὲ τοιόνδε.

τάφρον ἔξωθεν ἦγον οἱ πολέμιοι περὶ τὸ τεῖχοσ βαθεῖαν ὡσ παντάπασιν ἀποκλείσοντεσ αὐτούσ, ὡσ οὖν ἐγγὺσ ἦσαν αἱ τελευταὶ τοῦ ὀρύγματοσ ἀπαντῶντοσ αὑτῷ καὶ περιϊόντοσ ἐν κύκλῳ τὴν πόλιν, ἑσπέραν ἀναμείνασ γενέσθαι καὶ κελεύσασ ἐξοπλίζεσθαι τοὺσ Ἕλληνασ ἔλεγεν ἐλθὼν πρὸσ τὸν Αἰγύπτιον· "ὁ μὲν τῆσ σωτηρίασ, ὦ νεανία, καιρὸσ οὗτόσ ἐστιν, ὃν ἐγὼ διαφθεῖραι φοβούμενοσ οὐκ ἔφραζον πρὶν ἐλθεῖν. ἐπεὶ δὲ ἡμῖν οἱ πολέμιοι τὴν ἀσφάλειαν αὐτοὶ διὰ τῶν χειρῶν παρεσκευάκασι, τοσαύτην ὀρυξάμενοι τάφρον, ἧσ τὸ μὲν ἐξειργασμένον ἐκείνοισ ἐμποδών ἐστι τοῦ πλήθουσ, τὸ δὲ διαλεῖπον ἡμῖν δίδωσιν ἴσῳ καὶ δικαίῳ μέτρῳ διαμάχεσθαι πρὸσ αὐτούσ, φέρε νῦν, προθυμηθεὶσ ἀνὴρ ἀγαθὸσ γενέσθαι καὶ μεθ’ ἡμῶν ἐπισπόμενοσ δρόμῳ σῶζε σεαυτὸν ἅμα καὶ τὴν στρατιάν. ἡμᾶσ γὰρ οἱ μὲν κατὰ στόμα τῶν πολεμίων οὐχ ὑπομενοῦσιν, οἱ δὲ ἄλλοι διὰ τὴν τάφρον οὐ βλάψουσιν. ἐθαύμασεν οὖν ὁ Νεκτάναβισ τοῦ Ἀγησιλάου τὴν δεινότητα, καὶ δοὺσ ἑαυτὸν εἰσ μέσα τὰ τῶν Ἑλλήνων ὅπλα καὶ προσπεσὼν ἐτρέψατο ῥᾳδίωσ τοὺσ ἀντιστάντασ.

ὡσ δὲ ἅπαξ ἔλαβε πειθόμενον αὑτῷ τὸν Νεκτάναβιν ὁ Ἀγησίλαοσ, αὖθισ ἐπῆγε τὸ αὐτὸ στρατήγημα καθάπερ πάλαισμα τοῖσ πολεμίοισ. τὰ μὲν γὰρ ὑποφεύγων καὶ ὑπάγων, τὰ δὲ ἀντιπεριχωρῶν, ἐμβάλλει τὸ πλῆθοσ αὐτῶν εἰσ τόπον ἔχοντα διώρυχα βαθεῖαν ἐξ ἑκατέρασ πλευρᾶσ παραρρέουσαν, ὧν τὸ μέσον ἐμφράξασ καὶ καταλαβὼν τῷ μετώπῳ τῆσ φάλαγγοσ ἐξίσωσε πρὸσ τοὺσ μαχομένουσ τῶν πολεμίων τὸ πλῆθοσ, οὐκ ἔχοντασ περιδρομὴν καὶ κύκλωσιν.

ὅθεν οὐ πολὺν χρόνον ἀντιστάντεσ ἐτράποντο· καὶ πολλοὶ μὲν ἀνῃρέθησαν, οἱ δὲ φεύγοντεσ ἐσκεδάσθησαν καὶ διερρύησαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Agesilaus, chapter 39

(플루타르코스, Agesilaus, chapter 39)

상위

목록

SEARCH

MENU NAVIGATION