헬라어 문장 검색 - Πλυταρ́Αγεσιλά32́

(플루타르코스, Agesilaus, chapter 32)

τότε μέντοι τὸν Ἀνταλκίδαν φασὶν ἔφορον ὄντα τοὺσ παῖδασ εἰσ Κύθηρα ὑπεκθέσθαι, περίφοβον γενόμενον. ὁ δὲ Ἀγησίλαοσ, ἐπιχειρούντων διαβαίνειν τὸν ποταμὸν τῶν πολεμίων καὶ βιάζεσθαι πρὸσ τὴν πόλιν, ἐκλιπὼν τὰ λοιπὰ παρετάξατο πρὸ τῶν μέσων καὶ ὑψηλῶν. ἐρρύη δὲ πλεῖστοσ ἑαυτοῦ καὶ μέγιστοσ τότε ὁ Εὐρώτασ, χιόνων γενομένων, καὶ τὸ ῥεῦμα μᾶλλον ὑπὸ ψυχρότητοσ ἢ τραχύτητοσ ἐγένετο σκληρὸν καὶ χαλεπὸν τοῖσ Θηβαίοισ.

πορευόμενον δὲ πρῶτον τῆσ φάλαγγοσ τὸν Ἐπαμεινώνδαν ἐδείκνυσάν τινεσ τῷ Ἀγησιλάῳ· ἐπεὶ δὲ φιλοτιμούμενοσ ὁ Ἐπαμεινώνδασ ἐν τῇ πόλει μάχην συνάψαι καὶ στῆσαι τρόπαιον οὐκ ἴσχυσεν ἐξαγαγεῖν οὐδὲ προκαλέσασθαι τὸν Ἀγησίλαον, ἐκεῖνοσ μὲν ἀναζεύξασ πάλιν ἐπόρθει τὴν χώραν, ἐν δὲ Λακεδαίμονι τῶν πάλαι τινὲσ ὑπούλων καὶ πονηρῶν ὡσ διακόσιοι συστραφέντεσ κατελάβοντο τὸ Ἰσσώριον, οὗ τὸ τῆσ Ἀρτέμιδοσ ἱερόν ἐστιν, εὐερκῆ καὶ δυσεκβίαστον τόπον, ἐφ’ οὓσ βουλομένων εὐθὺσ ὠθεῖσθαι τῶν Λακεδαιμονίων, φοβηθεὶσ τὸν νεωτερισμὸν ὁ Ἀγησίλαοσ ἐκέλευσε τοὺσ μὲν ἄλλουσ ἡσυχίαν ἄγειν, αὐτὸσ δὲ ἐν ἱματίῳ καὶ μεθ’ ἑνὸσ οἰκέτου προσῄει, βοῶν ἄλλωσ ἀκηκοέναι τοῦ προστάγματοσ αὐτούσ·

οὐ γὰρ ἐνταῦθα κελεῦσαι συνελθεῖν οὐδὲ πάντασ, ἀλλὰ τοὺσ μὲν ἐκεῖ ̔δείξασ ἕτερον τόπον, τοὺσ δὲ ἀλλαχόσε τῆσ πόλεωσ, οἱ δὲ ἀκούσαντεσ ἥσθησαν οἰόμενοι λανθάνειν, καὶ διαστάντεσ ἐπὶ τοὺσ τόπουσ οὓσ ἐκεῖνοσ ἐκέλευσεν ἀπεχώρουν.

ὁ δὲ τὸ μὲν Ἰσσώριον εὐθὺσ μεταπεμψάμενοσ ἑτέρουσ κατέσχε, τῶν δὲ συστάντων ἐκείνων περὶ πεντεκαίδεκά τινασ συλλαβὼν νυκτὸσ ἀπέκτεινεν.

ἄλλη δὲ μείζων ἐμηνύθη συνωμοσία καὶ σύνοδοσ ἀνδρῶν Σπαρτιατῶν ἐπὶ πράγμασι νεωτέροισ εἰσ οἰκίαν κρύφα συνερχομένων, οὓσ καὶ κρίνειν ἄπορον ἦν ἐν ταραχῇ τοσαύτῃ καὶ περιορᾶν ἐπιβουλεύοντασ.

ἐπεὶ δὲ πολλοὶ τῶν συντεταγμένων εἰσ τὰ ὅπλα περιοίκων καὶ εἱλώτων ἀπεδίδρασκον ἐκ τῆσ πόλεωσ πρὸσ τοὺσ πολεμίουσ, καὶ τοῦτο πλείστην ἀθυμίαν παρεῖχεν, ἐδίδαξε τοὺσ ὑπηρέτασ περὶ ὄρθρον ἐπιφοιτᾶν ταῖσ στιβάσι καὶ τὰ ὅπλα τῶν ἀποκεχωρηκότων λαμβάνειν καὶ ἀποκρύπτειν, ὅπωσ ἀγνοῆται τὸ πλῆθοσ.

ἀναχωρῆσαι δὲ τοὺσ Θηβαίουσ ἐκ τῆσ Λακωνικῆσ οἱ μὲν ἄλλοι λέγουσι χειμώνων γενομένων καὶ τῶν Ἀρκάδων ἀρξαμένων ἀπιέναι καὶ διαρρεῖν ἀτάκτωσ, οἱ δὲ τρεῖσ μῆνασ ἐμμεμενηκότασ ὅλουσ καὶ τὰ πλεῖστα τῆσ χώρασ διαπεπορθηκότασ·

Θεόπομποσ δέ φησιν, ἤδη τῶν βοιωταρχῶν ἐγνωκότων ἀπαίρειν, ἀφικέσθαι πρὸσ αὐτοὺσ Φρίξον, ἄνδρα Σπαρτιάτην, παρὰ Ἀγησιλάου δέκα τάλαντα κομίζοντα τῆσ ἀναχωρήσεωσ μισθόν, ὥστε τὰ πάλαι δεδογμένα πράττουσιν αὐτοῖσ ἐφόδιον παρὰ τῶν πολεμίων προσπεριγενέσθαι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Agesilaus, chapter 32

(플루타르코스, Agesilaus, chapter 32)

상위

목록

SEARCH

MENU NAVIGATION