헬라어 문장 검색 - Πλυταρ́Αγεσιλά22́

(플루타르코스, Agesilaus, chapter 22)

διατρίβοντοσ δὲ περὶ τήν Κορινθίων αὐτοῦ καὶ τὸ Ἡραῖον εἰληφότοσ καὶ τὰ αἰχμάλωτα τοὺσ στρατιώτασ ἄγοντασ καὶ φέροντασ ἐπιβλέποντοσ, ἀφίκοντο πρέσβεισ ἐκ Θηβῶν περὶ φιλίασ. ὁ δὲ μισῶν μὲν ἀεὶ τήν πόλιν, οἰόμενοσ δὲ τότε καὶ συμφέρειν ἐνυβρίσαι, προσεποιεῖτο μήτε ὁρᾶν αὐτοὺσ μήτε ἀκούειν ἐντυγχανόντων. ἔπαθε δὲ πρᾶγμα νεμεσητόν·

οὔπω γὰρ ἀπηλλαγμένων τῶν Θηβαίων ἧκόν τινεσ ἀπαγγέλλοντεσ αὐτῷ τήν μόραν ὑπό Ἰφικράτουσ κατακεκόφθαι. καὶ πάθοσ τοῦτο μέγα διὰ πολλοῦ χρόνου συνέπεσεν αὐτοῖσ πολλοὺσ γὰρ ἄνδρασ ἀγαθοὺσ ἀπέβαλον κρατηθέντασ ὑπό τε πελταστῶν ὁπλίτασ καὶ μισθοφόρων Λακεδαιμονίουσ. ἀνεπήδησε μὲν οὖν εὐθὺσ ὁ Ἀγησίλαοσ ὡσ βοηθήσων·

ἐπεὶ δὲ ἔγνω διαπεπραγμένουσ, αὖθισ εἰσ τὸ Ἡραῖον ἧκε, καὶ τοὺσ Βοιωτοὺσ τότε προσελθεῖν κελεύσασ, ἐχρημάτιζεν. "εἴγε βούλεσθε τοὺσ φίλουσ ὑμῶν ἰδεῖν μέγα φρονοῦντασ ἐφ’ οἷσ εὐτυχοῦσιν, αὔριον ἀσφαλῶσ ὑμῖν τοῦτο ὑπάρξει. καὶ παραλαβὼν αὐτοὺσ τῇ ὑστεραίᾳ τήν τε χώραν τῶν Κορινθίων ἔκοπτε καὶ πρὸσ τήν πόλιν αὐτὴν προσῆλθεν.

οὕτω δὲ τοὺσ Κορινθίουσ ἐξελέγξασ ἀμύνεσθαι μὴ τολμῶντασ, ἀφῆκε τήν πρεσβείαν. αὐτὸσ δὲ τοὺσ περιλελειμμένουσ ἄνδρασ ἐκ τῆσ μόρασ ἀναλαβὼν ἀπῆγεν εἰσ Λακεδαίμονα, πρὸ ἡμέρασ ποιούμενοσ τὰσ ἀναζεύξεισ καὶ πάλιν σκοταίουσ τὰσ καταλύσεισ, ὅπωσ οἱ μισοῦντεσ καὶ βασκαίνοντεσ τῶν Ἀρκάδων μὴ ἐπιχαίρωσιν· ἐκ τούτου χαριζόμενοσ τοῖσ Ἀχαιοῖσ διέβαινεν εἰσ Ἀκαρνανίαν στρατιᾷ μετ’ αὐτῶν, καὶ πολλὴν μὲν ἠλάσατο λείαν, μάχῃ δὲ τοὺσ Ἀκαρνᾶνασ ἐνίκησε.

δεομένων δὲ τῶν Ἀχαιῶν ὅπωσ τὸν χειμῶνα παραμείνασ ἀφέληται τὸν σπόρον τῶν πολεμίων, τοὐναντίον ἔφη ποιήσειν· μᾶλλον γὰρ φοβηθήσεσθαι τὸν πόλεμον αὐτούσ, ἐὰν ἐσπαρμένην τήν γῆν εἰσ ὡρ́ασ ἔχωσιν ὃ καὶ συνέβη, παραγγελλομένησ γὰρ αὖθισ ἐπ’ αὐτοὺσ στρατείασ διηλλάγησαν τοῖσ Ἀχαιοῖσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Agesilaus, chapter 22

(플루타르코스, Agesilaus, chapter 22)

상위

목록

SEARCH

MENU NAVIGATION