헬라어 문장 검색 - Πλυταρ́Αγεσιλά19́

(플루타르코스, Agesilaus, chapter 19)

Ἀγησίλαοσ δέ, καίπερ ὑπὸ τραυμάτων πολλῶν κακῶσ τὸ σῶμα διακείμενοσ, οὐ πρότερον ἐπὶ σκηνὴν ἀπῆλθεν ἢ φοράδην ἐνεχθῆναι πρὸσ τήν φάλαγγα καὶ τοὺσ νεκροὺσ ἰδεῖν ἐντὸσ τῶν ὅπλων συγκεκομισμένουσ, ὅσοι μέντοι τῶν πολεμίων εἰσ τὸ ἱερὸν κατέφυγον, πάντασ ἐκέλευσεν ἀφεθῆναι. πλησίον γὰρ ὁ νεώσ ἐστιν ὁ τῆσ Ἰτωνίασ Ἀθηνᾶσ, καὶ πρὸ αὐτοῦ τρόπαιον ἕστηκεν, ὃ πάλαι Βοιωτοὶ Σπάρτωνοσ στρατηγοῦντοσ ἐνταῦθα νικήσαντεσ Ἀθηναίουσ καὶ Τολμίδην ἀποκτείναντεσ ἔστησαν, ἅμα δ’ ἡμέρᾳ βουλόμενοσ ἐξελέγξαι τοὺσ Θηβαίουσ ὁ Ἀγησίλαοσ, εἰ διαμαχοῦνται, στεφανοῦσθαι μὲν ἐκέλευσε τοὺσ στρατιώτασ, αὐλεῖν δὲ τοὺσ αὐλητάσ, ἱστάναι δὲ καὶ κοσμεῖν τρόπαιον ὡσ νενικηκότασ.

ὡσ δὲ ἔπεμψαν οἱ πολέμιοι νεκρῶν ἀναίρεσιν αἰτοῦντεσ, ἐσπείσατο, καὶ τήν νίκην οὕτωσ ἐκβεβαιωσάμενοσ εἰσ Δελφοὺσ ἀπεκομίσθη, Πυθίων ἀγομένων, καὶ τήν τε πομπὴν ἐπετέλει τῷ θεῷ καὶ τήν δεκάτην ἀπέθυε τῶν ἐκ τῆσ Ἀσίασ λαφύρων ἑκατὸν ταλάντων γενομένην.

ἐπεὶ δὲ ἀπενόστησεν οἴκαδε, προσφιλὴσ μὲν ἦν εὐθὺσ τοῖσ πολίταισ καὶ περίβλεπτοσ ἀπὸ τοῦ βίου καὶ τῆσ διαίτησ·

οὐ γάρ, ὥσπερ οἱ πλεῖστοι τῶν στρατηγῶν, καινὸσ ἐπανῆλθεν ἀπὸ τῆσ ξένησ καὶ κεκινημένοσ ὑπ’ ἀλλοτρίων ἐθῶν, καὶ δυσκολαίνων πρὸσ τὰ οἴκοι καὶ ζυγομαχῶν, ἀλλὰ ὁμοίωσ τοῖσ μηδεπώποτε τὸν Εὐρώταν διαβεβηκόσι τὰ παρόντα τιμῶν καὶ στέργων οὐ δεῖπνον ἤλλαξεν, οὐ λουτρόν, οὐ θεραπείαν γυναικόσ, οὐχ ὅπλων κόσμον, οὐκ οἰκίασ κατασκευήν, ἀλλὰ καὶ τὰσ θύρασ ἀφῆκεν οὕτωσ οὔσασ σφόδρα παλαιάσ, ὡσ δοκεῖν εἶναι, ταύτασ ἐκείνασ ἃσ ἐπέθηκεν Ἀριστόδημοσ, καὶ τὸ κάνναθρόν, φησιν ὁ Ξενοφῶν οὐδέν τι σεμνότερον εἶναι τῆσ ἐκείνου θυγατρὸσ ἢ τῶν ἄλλων. κάνναθρα δὲ καλοῦσιν εἴδωλα γρυπῶν ξύλινα καὶ τραγελάφων ἐν οἷσ κομίζουσι τὰσ παῖδασ ἐν ταῖσ πομπαῖσ.

ὁ μὲν οὖν Ξενοφῶν ὄνομα τῆσ Ἀγησιλάου θυγατρὸσ οὐ γέγραφε, καὶ ὁ Δικαίαρχοσ ἐπηγανάκτησεν ὡσ μήτε τήν Ἀγησιλάου θυγατέρα μήτε τήν Ἐπαμινώνδου μητέρα γινωσκόντων ἡμῶν ἡμεῖσ δὲ εὑρ́ομεν ἐν ταῖσ Λακωνικαῖσ ἀναγραφαῖσ ὀνομαζομένην γυναῖκα μὲν Ἀγησιλάου Κλεόραν, θυγατέρασ δὲ Εὐπωλίαν καὶ Πρόαυγαν.

ἔστι δὲ καὶ λόγχην ἰδεῖν αὐτοῦ κειμένην ἄχρι νῦν ἐν Λακεδαίμονι, μηδὲν τῶν ἄλλων διαφέρουσαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Agesilaus, chapter 19

(플루타르코스, Agesilaus, chapter 19)

상위

목록

SEARCH

MENU NAVIGATION