Plutarch, Agesilaus, chapter 15 4:

Ἀγησιλάῳ μέντοι οὐδὲν κρεῖσσον ἢ μεῖζόν ἐστι τῆσ ἀναχωρήσεωσ ἐκείνησ διαπεπραγμένον, οὐδὲ γέγονε παράδειγμα πειθαρχίασ καὶ δικαιοσύνησ ἕτερον κάλλιον. ὅπου γὰρ Ἀννίβασ ἤδη κακῶσ πράττων καὶ περιωθούμενοσ ἐκ τῆσ Ἰταλίασ μάλα μόλισ ὑπήκουσε τοῖσ ἐπὶ τὸν οἴκοι πόλεμον καλοῦσιν, Ἀλέξανδροσ δὲ καὶ προσεπέσκωψε πυθόμενοσ τὴν πρὸσ Ἆγιν Ἀντιπάτρου μάχην, εἰπών· "ἐοίκεν, ὦ ἄνδρεσ, ὅτε Δαρεῖον ἡμεῖσ ἐνικῶμεν μὲν ἐνταῦθα, ἐκεῖ τισ ἐν Ἀρκαδίᾳ γεγονέναι μυομαχία" πῶσ οὐκ ἦν ἄξιον τὴν Σπάρτην μακαρίσαι τῆσ Ἀγησιλάου τιμῆσ πρὸσ ταύτην καὶ πρὸσ τοὺσ νόμουσ τῆσ εὐλαβείασ;