헬라어 문장 검색 - Πλυταρ́Αγεσιλά10́

(플루타르코스, Agesilaus, chapter 10)

καιροῦ δὲ ὄντοσ αὖθισ ἐμβαλεῖν εἰσ τὴν πολεμίαν προεῖπεν εἰσ Λυδίαν ἀπάξειν, οὐκέτι ψευδόμενοσ ἐνταῦθα τὸν Τισαφέρνην· ἀλλ’ ἐκεῖνοσ ἑαυτὸν ἐξηπάτησε, διὰ τὴν ἔμπροσθεν ἀπάτην ἀπιστῶν τῷ Ἀγησιλάῳ, καὶ νῦν γοῦν αὐτὸν ἅψεσθαι τῆσ Καρίασ νομίζων οὔσησ δυσίππου πολὺ τῷ ἱππικῷ λειπόμενον. ἐπεὶ δέ, ὡσ προεῖπεν, ὁ Ἀγησίλαοσ ἧκεν εἰσ τὸ περὶ Σάρδεισ πεδίον, ἠναγκάζετο κατὰ σπουδὴν ἐκεῖθεν αὖ βοηθεῖν ὁ Τισαφέρνησ·

καὶ τῇ ἵππῳ διεξελαύνων διέφθειρε πολλοὺσ τῶν ἀτάκτωσ τὸ πεδίον πορθούντων. ἐννοήσασ οὖν ὁ Ἀγησίλαοσ ὅτι τοῖσ πολεμίοισ οὔπω πάρεστι τὸ πεζόν, αὐτῷ δὲ τῆσ δυνάμεωσ οὐδὲν ἄπεστιν, ἔσπευσε διαγωνίσασθαι. καὶ τοῖσ μὲν ἱππεῦσιν ἀναμίξασ τὸ πελταστικόν, ἐλαύνειν ἐκέλευσεν ὡσ τάχιστα καὶ προσβάλλειν τοῖσ ἐναντίοισ, αὐτὸσ δὲ εὐθὺσ τοὺσ ὁπλίτασ ἐπῆγε, γενομένησ δὲ τροπῆσ τῶν βαρβάρων ἐπακολουθήσαντεσ οἱ Ἕλληνεσ ἔλαβον τὸ στρατόπεδον καὶ πολλοὺσ ἀνεῖλον.

ἐκ ταύτησ τῆσ μάχησ οὐ μόνον ὑπῆρξεν αὐτοῖσ ἄγειν καὶ φέρειν ἀδεῶσ τὴν βασιλέωσ χώραν, ἀλλὰ καὶ δίκην ἐπιδεῖν Τισαφέρνην διδόντα, μοχθηρὸν ἄνδρα καὶ τῷ γένει τῶν Ἑλλήνων ἀπεχθέστατον. ἔπεμψε γὰρ εὐθέωσ ὁ βασιλεὺσ Τιθραύστην ἐπ’ αὐτόν, ὃσ ἐκείνου μὲν τὴν κεφαλὴν ἀπέτεμε, τὸν δὲ Ἀγησίλαον ἠξίου διαλυσάμενον ἀποπλεῖν οἴκαδε, καὶ χρήματα διδοὺσ αὐτῷ προσέπεμψεν.

ὁ δὲ τῆσ μὲν εἰρήνησ ἔφη τὴν πόλιν εἶναι κυρίαν, αὐτὸσ δὲ πλουτίζων τοὺσ στρατιώτασ ἥδεσθαι μᾶλλον ἢ πλουτῶν αὐτόσ· καὶ ἄλλωσ γε μέντοι νομίζειν Ἕλληνασ καλὸν οὐ δῶρα λαμβάνειν, ἀλλὰ λάφυρα παρὰ τῶν πολεμίων. ὅμωσ δὲ τῷ Τιθραύστῃ χαρίζεσθαι βουλόμενοσ, ὅτι τὸν κοινὸν ἐχθρὸν Ἑλλήνων ἐτετιμώρητο Τισαφέρνην, ἀπήγαγεν εἰσ Φρυγίαν τὸ στράτευμα, λαβὼν ἐφόδιον παρ’ αὐτοῦ τριάκοντα τάλαντα.

καὶ καθ’ ὁδὸν ὢν σκυτάλην δέχεται παρὰ τῶν οἴκοι τελῶν κελεύουσαν αὐτὸν ἄρχειν ἅμα καὶ τοῦ ναυτικοῦ, τοῦτο μόνῳ πάντων ὑπῆρξεν Ἀγησιλάῳ. καὶ μέγιστοσ μὲν ἦν ὁμολογουμένωσ καὶ τῶν τότε ζώντων ἐπιφανέστατοσ, ὡσ εἴρηκέ που καὶ Θεόπομποσ, ἑαυτῷ γε μὴν ἐδίδου δι’ ἀρετὴν φρονεῖν μεῖζον ἢ διὰ τὴν ἡγεμονίαν. τότε δὲ τοῦ ναυτικοῦ καταστήσασ ἄρχοντα Πείσανδρον ἁμαρτεῖν ἔδοξεν, ὅτι πρεσβυτέρων καὶ φρονιμωτέρων παρόντων οὐ σκεψάμενοσ τὸ τῆσ πατρίδοσ, ἀλλὰ τὴν οἰκειότητα τιμῶν καὶ τῇ γυναικὶ χαριζόμενοσ, ἧσ ἀδελφὸσ ἦν ὁ Πείσανδροσ, ἐκείνῳ παρέδωκε τὴν ναυαρχίαν·

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Agesilaus, chapter 10

(플루타르코스, Agesilaus, chapter 10)

상위

목록

SEARCH

MENU NAVIGATION