헬라어 문장 검색 - Πλυταρ́Αγεσιλά04́

(플루타르코스, Agesilaus, chapter 4)

οὕτω δὲ καὶ διὰ ταῦτα βασιλεὺσ ἀποδειχθεὶσ ὁ Ἀγησίλαοσ εὐθὺσ εἶχε καὶ τὰ χρήματα τοῦ Ἄγιδοσ, ὡσ νόθον ἀπελάσασ τὸν Λεωτυχίδην. ὁρῶν δέ τοὺσ ἀπὸ μητρὸσ οἰκείουσ ἐπιεικεῖσ μὲν ὄντασ, ἰσχυρῶσ δέ πενομένουσ, ἀπένειμεν αὐτοῖσ τὰ ἡμίσεα τῶν χρημάτων, εὔνοιαν ἑαυτῷ καὶ δόξαν ἀντὶ φθόνου καὶ δυσμενείασ ἐπὶ τῇ κληρονομίᾳ κατασκευαζόμενοσ. ὃ δέ φησιν ὁ Ξενοφῶν, ὅτι πάντα τῇ πατρίδι πειθόμενοσ ἴσχυε πλεῖστον, ὥστε ποιεῖν ὃ βούλοιτο, τοιοῦτόν ἐστι. τῶν ἐφόρων ἦν τότε καὶ τῶν γερόντων τὸ μέγιστον ἐν τῇ πολιτείᾳ κράτοσ, ὧν οἱ μὲν ἐνιαυτὸν ἄρχουσι μόνον, οἱ δὲ γέροντεσ διὰ βίου ταύτην ἔχουσι τὴν τιμήν, ἐπὶ τῷ μὴ πάντα τοῖσ βασιλεῦσιν ἐξεῖναι συνταχθέντεσ, ὡσ ἐν τοῖσ περὶ Λυκούργου γέγραπται·

διὸ καὶ πατρικήν τινα πρὸσ αὐτοὺσ ἀπὸ τοῦ παλαιοῦ διετέλουν εὐθὺσ οἱ βασιλεῖσ φιλονεικίαν καὶ διαφορὰν παραλαμβάνοντεσ. ὁ δὲ Ἀγησίλαοσ ἐπὶ τὴν ἐναντίαν ὁδὸν ἦλθε, καὶ τὸ πολεμεῖν καὶ τὸ προσκρούειν αὐτοῖσ ἐάσασ ἐθεράπευε, πάσησ μὲν ἀπ’ ἐκείνων πράξεωσ ἀρχόμενοσ, εἰ δὲ κληθείη, θᾶττον ἢ βάδην ἐπειγόμενοσ, ὁσάκισ δὲ τύχοι καθήμενοσ ἐν τῷ βασιλικῷ θώκῳ καὶ χρηματίζων, ἐπιοῦσι τοῖσ ἐφόροισ ὑπεξανίστατο, τῶν δ’ εἰσ τὴν γερουσίαν ἀεὶ καταταττομένων ἑκάστῳ χλαῖναν ἔπεμπε καὶ βοῦν ἀριστεῖον.

ἐκ δὲ τούτων τιμᾶν δοκῶν καὶ μεγαλύνειν τὸ ἀξίωμα τῆσ ἐκείνων ἀρχῆσ, ἐλάνθανεν αὔξων τὴν ἑαυτοῦ δύναμιν καὶ τῇ βασιλείᾳ προστιθέμενοσ μέγεθοσ ἐκ τῆσ πρὸσ αὐτὸν εὐνοίασ συγχωρούμενον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Agesilaus, chapter 4

(플루타르코스, Agesilaus, chapter 4)

상위

목록

SEARCH

MENU NAVIGATION