Plato, Epistles, Letter 10

Πλάτων Ἀριστοδώρῳ εὖ πράττειν. ἀκούω Δίωνοσ ἐν τοῖσ μάλιστα ἑταῖρον εἶναί τέ σε νῦν καὶ γεγονέναι διὰ παντόσ, τὸ σοφώτατον ἦθοσ τῶν εἰσ φιλοσοφίαν παρεχόμενον·

τὸ γὰρ βέβαιον καὶ πιστὸν καὶ ὑγιέσ, τοῦτο ἐγώ φημι εἶναι τὴν ἀληθινὴν φιλοσοφίαν, τὰσ δὲ ἄλλασ τε καὶ εἰσ ἄλλα τεινούσασ σοφίασ τε καὶ δεινότητασ κομψότητασ οἶμαι προσαγορεύων ὀρθῶσ ὀνομάζειν. ἀλλ’ ἔρρωσό τε καὶ μένε ἐν τοῖσ ἤθεσιν οἷσπερ καὶ νῦν μένεισ.