헬라어 문장 검색 - ΠλατόΕπιστλέ06́

(플라톤, Epistles, Letter 6)

Πλάτων Ἑρμείᾳ καὶ Ἐράστῳ καὶ Κορίσκῳ εὖ πράττειν. ἐμοὶ φαίνεται θεῶν τισ ὑμῖν τύχην ἀγαθήν, ἂν εὖ δέξησθε, εὐμενῶσ καὶ ἱκανῶσ παρασκευάζειν·

οἰκεῖτε γὰρ δὴ γείτονέσ τε ὑμῖν αὐτοῖσ καὶ χρείαν ἔχοντεσ ὥστε ἀλλήλουσ εἰσ τὰ μέγιστα ὠφελεῖν. Ἑρμείᾳ μὲν γὰρ οὔτε ἵππων πλῆθοσ οὔτε ἄλλησ πολεμικῆσ συμμαχίασ οὐδ’ αὖ χρυσοῦ προσγενομένου γένοιτ’ ἂν μείζων εἰσ τὰ πάντα δύναμισ, ἢ φίλων βεβαίων τε καὶ ἦθοσ ἐχόντων ὑγιέσ· Ἐράστῳ δὲ καὶ Κορίσκῳ, πρὸσ τῇ τῶν εἰδῶν σοφίᾳ τῇ καλῇ ταύτῃ, φήμ’ ἐγώ, καίπερ γέρων ὤν, προσδεῖν σοφίασ τῆσ περὶ τοὺσ πονηροὺσ καὶ ἀδίκουσ φυλακτικῆσ καί τινοσ ἀμυντικῆσ δυνάμεωσ.

ἄπειροι γάρ εἰσι διὰ τὸ μεθ’ ἡμῶν μετρίων ὄντων καὶ οὐ κακῶν συχνὸν διατετριφέναι τοῦ βίου·

διὸ δὴ τούτων προσδεῖν εἶπον, ἵνα μὴ ἀναγκάζωνται τῆσ ἀληθινῆσ μὲν ἀμελεῖν σοφίασ, τῆσ δὲ ἀνθρωπίνησ τε καὶ ἀναγκαίασ ἐπιμελεῖσθαι μειζόνωσ ἢ δεῖ. ταύτην δ’ αὖ τὴν δύναμιν Ἑρμείασ μοι φαίνεται φύσει τε, ὅσα μήπω συγγεγονότι, καὶ τέχνῃ δι’ ἐμπειρίασ εἰληφέναι. τί οὖν δὴ λέγω;

σοὶ μέν, Ἑρμεία, πεπειραμένοσ Ἐράστου καὶ Κορίσκου πλέονα ἢ σύ, φημὶ καὶ μηνύω καὶ μαρτυρῶ μὴ ῥᾳδίωσ εὑρήσειν σε ἀξιοπιστότερα ἤθη τούτων τῶν γειτόνων· ἔχεσθαι δὴ παντὶ συμβουλεύω δικαίῳ τρόπῳ τούτων τῶν ἀνδρῶν, μὴ πάρεργον ἡγουμένῳ. Κορίσκῳ δὲ καὶ Ἐράστῳ πάλιν Ἑρμείου ἀντέχεσθαι σύμβουλόσ εἰμι καὶ πειρᾶσθαι ταῖσ ἀνθέξεσιν ἀλλήλων εἰσ μίαν ἀφικέσθαι φιλίασ συμπλοκήν. ἂν δέ τισ ὑμῶν ἄρα ταύτην πῃ λύειν δοκῇ ‐ τὸ γὰρ ἀνθρώπινον οὐ παντάπασιν βέβαιον ‐ δεῦρο παρ’ ἐμὲ καὶ τοὺσ ἐμοὺσ πέμπετε μομφῆσ κατήγορον ἐπιστολήν· οἶμαι γὰρ δίκῃ τε καὶ αἰδοῖ τοὺσ παρ’ ἡμῶν ἐντεῦθεν ἐλθόντασ λόγουσ, εἰ μή τι τὸ λυθὲν μέγα τύχοι γενόμενον, ἐπῳδῆσ ἡστινοσοῦν μᾶλλον ἂν συμφῦσαι καὶ συνδῆσαι πάλιν εἰσ τὴν προϋπάρχουσαν φιλότητά τε καὶ κοινωνίαν, ἣν ἂν μὲν φιλοσοφῶμεν ἅπαντεσ ἡμεῖσ τε καὶ ὑμεῖσ, ὅσον ἂν δυνώμεθα καὶ ἑκάστῳ παρείκῃ, κύρια τὰ νῦν κεχρησμῳδημένα ἔσται.

τὸ δὲ ἂν μὴ δρῶμεν ταῦτα οὐκ ἐρῶ·

φήμην γὰρ ἀγαθὴν μαντεύομαι, καὶ φημὶ δὴ ταῦθ’ ἡμᾶσ πάντ’ ἀγαθὰ ποιήσειν, ἂν θεὸσ ἐθέλῃ. καὶ νόμῳ κυρίῳ, ὅ ἐστιν δίκαιον, ἐπομνύντασ σπουδῇ τε ἅμα μὴ ἀμούσῳ καὶ τῇ τῆσ σπουδῆσ ἀδελφῇ παιδιᾷ, καὶ τὸν τῶν πάντων θεὸν ἡγεμόνα τῶν τε ὄντων καὶ τῶν μελλόντων, τοῦ τε ἡγεμόνοσ καὶ αἰτίου πατέρα κύριον ἐπομνύντασ, ὅν, ἂν ὄντωσ φιλοσοφῶμεν, εἰσόμεθα πάντεσ σαφῶσ εἰσ δύναμιν ἀνθρώπων εὐδαιμόνων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plato, Epistles, Letter 6

(플라톤, Epistles, Letter 6)

상위

목록

SEARCH

MENU NAVIGATION