헬라어 문장 검색 - ΠλατόΕπιστλέ11́

(플라톤, Epistles, Letter 11)

Πλάτων Λαοδάμαντι εὖ πράττειν. ἐπέστειλα μέν σοι καὶ πρότερον ὅτι πολὺ διαφέρει πρὸσ ἅπαντα ἃ λέγεισ αὐτὸν ἀφικέσθαι σε Ἀθήναζε·

ἐπειδὴ δὲ σὺ φῂσ ἀδύνατον εἶναι, μετὰ τοῦτο ἦν δεύτερον, εἰ δυνατὸν ἐμὲ ἀφικέσθαι ἢ Σωκράτη, ὥσπερ ἐπέστειλασ. Σωκράτησ μέν ἐστιν περὶ ἀσθένειαν τὴν τῆσ στραγγουρίασ, ἐμὲ δὲ ἀφικόμενον ἐνταῦθα ἄσχημον ἂν εἰή μὴ διαπράξασθαι ἐφ’ ἅπερ σὺ παρακαλεῖσ.

ἐγὼ δὲ ταῦτα γενέσθαι ἂν οὐ πολλὴν ἐλπίδα ἔχω ‐ δι’ ἃ δέ, μακρᾶσ ἑτέρασ δέοιτ’ ἂν ἐπιστολῆσ ἥτισ πάντα διεξίοι ‐ καὶ ἅμα οὐδὲ τῷ σώματι διὰ τὴν ἡλικίαν ἱκανῶσ ἔχω πλανᾶσθαι καὶ κινδυνεύειν κατά τε γῆν καὶ κατὰ θάλατταν οἱᾶ ἀπαντᾷ, καὶ νῦν πάντα κινδύνων ἐν ταῖσ πορείαισ ἐστὶ μεστά. συμβουλεῦσαι μέντοι ἔχω σοί τε καὶ τοῖσ οἰκισταῖσ, ὃ εἰπόντοσ μὲν ἐμοῦ, φησὶν Ἡσίοδοσ, δόξαι ἂν εἶναι φαῦλον, χαλεπὸν δὲ νοῆσαι. εἰ γὰρ οἱο͂́ν τε ὑπὸ νόμων θέσεωσ καὶ ὧντινων εὖ ποτε πολιτείαν κατασκευασθῆναι ἄνευ τοῦ εἶναί τι κύριον ἐπιμελούμενον ἐν τῇ πόλει τῆσ καθ’ ἡμέραν διαίτησ, ὅπωσ ἂν ᾖ σώφρων τε καὶ ἀνδρικὴ δούλων τε καὶ ἐλευθέρων, οὐκ ὀρθῶσ διανοοῦνται.

τοῦτο δ’ αὖ, εἰ μέν εἰσιν ἤδη ἄνδρεσ ἄξιοι τῆσ ἀρχῆσ ταύτησ, γένοιτ’ ἄν· εἰ δ’ ἐπὶ τὸ παιδεῦσαι δεῖ τινοσ, οὔτε ὁ παιδεύσων οὔτε οἱ παιδευθησόμενοι, ὡσ ἐγὼ οἶμαι, εἰσὶν ὑμῖν, ἀλλὰ τὸ λοιπὸν τοῖσ θεοῖσ εὔχεσθε.

καὶ γὰρ σχεδόν τι καὶ αἱ ἔμπροσθεν πόλεισ οὕτω κατεσκευάσθησαν, καὶ ἔπειτα εὖ ᾤκησαν, ὑπὸ συμβάσεων πραγμάτων μεγάλων καὶ κατὰ πόλεμον καὶ κατὰ τὰσ ἄλλασ πράξεισ γενομένων, ὅταν ἐν τοιούτοισ καιροῖσ ἀνὴρ καλόσ τε καὶ ἀγαθὸσ ἐγγένηται μεγάλην δύναμιν ἔχων· τὸ δ’ ἔμπροσθεν αὐτὰ προθυμεῖσθαι μὲν χρὴ καὶ ἀνάγκη, διανοεῖσθαι μέντοι αὐτὰ οἱᾶ λέγω, καὶ μὴ ἀνοηταίνειν οἰομένουσ τι ἑτοίμωσ διαπράξασθαι. εὐτύχει.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plato, Epistles, Letter 11

(플라톤, Epistles, Letter 11)

상위

목록

SEARCH

MENU NAVIGATION