Plato, Epistles, Letter 1

(플라톤, Epistles, Letter 1)

Πλάτων Διονυσίῳ εὖ πράττειν. διατρίψασ ἐγὼ παρ’ ὑμῖν χρόνον τοσοῦτον καὶ διοικῶν τὴν ὑμετέραν ἀρχὴν πεπιστευμένοσ πάντων μάλιστα, τὰσ ὠφελίασ ὑμῶν λαμβανόντων, τὰσ διαβολὰσ δυσχερεῖσ οὔσασ ὑπέμενον·

ᾔδη γὰρ ὅτι τῶν ὠμοτέρων οὐδὲν ἐμοῦ συνεθέλοντοσ ὑμῖν δόξει πεπρᾶχθαι· πάντεσ γὰρ οἱ συμπολιτευόμενοι μεθ’ ὑμῶν ὑπάρχουσί μοι μάρτυρεσ, ὧν ἐγὼ πολλοῖσ συνηγωνισάμην, ἀπολύσασ αὐτοὺσ οὐ σμικρᾶσ ζημίασ. αὐτοκράτωρ δὲ πολλάκισ τὴν ὑμετέραν πόλιν διαφυλάξασ, ἀπεπέμφθην ἀτιμότερον ἢ πτωχὸν ὑμῶν ἀποστελλόντων προσήκει καὶ κελευόντων ἐκπλεῦσαι, τοσοῦτον παρ’ ὑμῖν διατρίψαντα χρόνον.

ἐγὼ μὲν οὖν περὶ ἐμαυτοῦ βουλεύσομαι τὸ λοιπὸν τρόπον ἀπανθρωπότερον, σὺ δὲ τοιοῦτοσ ὢν τύραννοσ οἰκήσεισ μόνοσ. τὸ δὲ χρυσίον τὸ λαμπρόν, ὅπερ ἔδωκασ εἰσ ἀποστολήν, ἄγει σοι Βακχεῖοσ ὁ τὴν ἐπιστολὴν φέρων· οὔτε γὰρ ἐφόδιον ἐκεῖνό γ’ ἦν ἱκανὸν οὔτε πρὸσ τὸν ἄλλον βίον συμφέρον, ἀδοξίαν δὲ πλείστην τῷ διδόντι σοὶ παρασκευάζον, οὐ πολλῷ δὲ ἐλάττω κἀμοὶ λαμβάνοντι, διόπερ οὐ λαμβάνω.

σοὶ δ’ οὐδὲν διαφέρει δῆλον ὅτι καὶ λαβεῖν καὶ δοῦναι τοσοῦτον, ὥστε κομισάμενοσ ἄλλον τινὰ τῶν ἑταίρων θεράπευσον ὥσπερ ἐμέ· κἀγὼ γὰρ ἱκανῶσ ὑπὸ σοῦ τεθεράπευμαι. καί μοι τὸ τοῦ Εὐριπίδου κατὰ καιρόν ἐστιν εἰπεῖν, ὅτι σοὶ πραγμάτων ἄλλων ποτὲ συμπεσόντων ‐ εὔξῃ τοιοῦτον ἄνδρα σοι παρεστάναι.

ὑπομνῆσαι δέ σε βούλομαι διότι καὶ τῶν ἄλλων τραγῳδοποιῶν οἱ πλεῖστοι, ὅταν ὑπό τινοσ ἀποθνῄσκοντα τύραννον εἰσάγωσιν, ἀναβοῶντα ποιοῦσιν ‐ φίλων ἔρημοσ, ὦ τάλασ, ἀπόλλυμαι· χρυσίου δὲ σπάνει ἀπολλύμενον οὐδεὶσ πεποίηκεν.

κἀκεῖνο δὲ τὸ ποίημα τοῖσ νοῦν ἔχουσιν οὐ κακῶσ ἔχειν δοκεῖ ‐ οὐ χρυσὸσ ἀγλαὸσ σπανιώτατοσ ἐν θνατῶν δυσελπί‐στῳ βίῳ,οὐδ’ ἀδάμασ οὐδ’ ἀργύρου κλῖναι πρὸσ ἄνθρωπονδοκιμαζόμεν’ ἀστράπτει πρὸσ ὄψεισ· οὐδὲ γαίασ εὐρυπέδου γόνιμοι βρίθοντεσ αὐτάρκεισγύαι,ὡσ ἀγαθῶν ἀνδρῶν ὁμοφράδμων νόησισ. ἔρρωσο, καὶ γίγνωσκε τοσοῦτον ἡμῶν διημαρτηκώσ, ἵνα πρὸσ τοὺσ ἄλλουσ βέλτιον προσφέρῃ.

일치하는 문장이 없습니다.

SEARCH

MENU NAVIGATION