Plato, Epistles, Letter 9

(플라톤, Epistles, Letter 9)

Πλάτων Ἀρχύτᾳ Ταραντίνῳ εὖ πράττειν. ἀφίκοντο πρὸσ ἡμᾶσ οἱ περὶ Ἄρχιππον καὶ Φιλωνίδην, τήν τε ἐπιστολὴν φέροντεσ ἣν σὺ αὐτοῖσ ἔδωκασ, καὶ ἀπαγγέλλοντεσ τὰ παρὰ σοῦ.

τὰ μὲν οὖν πρὸσ τὴν πόλιν οὐ χαλεπῶσ διεπράξαντο ‐ καὶ γὰρ οὐδὲ παντελῶσ ἦν ἐργώδη ‐ τὰ δὲ παρὰ σοῦ διῆλθον ἡμῖν, λέγοντεσ ὑποδυσφορεῖν σε ὅτι οὐ δύνασαι τῆσ περὶ τὰ κοινὰ ἀσχολίασ ἀπολυθῆναι. ὅτι μὲν οὖν ἥδιστόν ἐστιν ἐν τῷ βίῳ τὸ τὰ αὑτοῦ πράττειν, ἄλλωσ τε καὶ εἴ τισ ἕλοιτο τοιαῦτα πράττειν οἱᾶ καὶ σύ, σχεδὸν παντὶ δῆλον·

ἀλλὰ κἀκεῖνο δεῖ σε ἐνθυμεῖσθαι, ὅτι ἕκαστοσ ἡμῶν οὐχ αὑτῷ μόνον γέγονεν, ἀλλὰ τῆσ γενέσεωσ ἡμῶν τὸ μέν τι ἡ πατρὶσ μερίζεται, τὸ δέ τι οἱ γεννήσαντεσ, τὸ δὲ οἱ λοιποὶ φίλοι, πολλὰ δὲ καὶ τοῖσ καιροῖσ δίδοται τοῖσ τὸν βίον ἡμῶν καταλαμβάνουσι.

καλούσησ δὲ τῆσ πατρίδοσ αὐτῆσ πρὸσ τὰ κοινά, ἄτοπον ἴσωσ τὸ μὴ ὑπακούειν· ἅμα γὰρ συμβαίνει καὶ χώραν καταλιμπάνειν φαύλοισ ἀνθρώποισ, οἳ οὐκ ἀπὸ τοῦ βελτίστου πρὸσ τὰ κοινὰ προσέρχονται.

περὶ τούτων μὲν οὖν ἱκανῶσ, Ἐχεκράτουσ δὲ καὶ νῦν ἐπιμέλειαν ἔχομεν καὶ εἰσ τὸν λοιπὸν χρόνον ἕξομεν καὶ διὰ σὲ καὶ διὰ τὸν πατέρα αὐτοῦ Φρυνίωνα καὶ δι’ αὐτὸν τὸν νεανίσκον.

일치하는 문장이 없습니다.

SEARCH

MENU NAVIGATION