헬라어 문장 검색 - ΠλατόΕπιστλέ04́

(플라톤, Epistles, Letter 4)

Πλάτων Δίωνι Συρακοσίῳ εὖ πράττειν. οἶμαι μὲν φανερὰν εἶναι διὰ παντὸσ τοῦ χρόνου τὴν ἐμὴν προθυμίαν περὶ τὰσ συμβεβηκυίασ πράξεισ, καὶ ὅτι πολλὴν εἶχον περὶ αὐτῶν σπουδὴν εἰσ τὸ συμπερανθῆναι, οὐκ ἄλλου τινὸσ ἕνεκα μᾶλλον ἢ τῆσ ἐπὶ τοῖσ καλοῖσ φιλοτιμίασ·

νομίζω γὰρ δίκαιον εἶναι τοὺσ ὄντασ τῇ ἀληθείᾳ ἐπιεικεῖσ καὶ πράττοντασ τοιαῦτα τυγχάνειν δόξησ τῆσ προσηκούσησ.

τὰ μὲν οὖν εἰσ τὸ παρόν, σὺν θεῷ εἰπεῖν, ἔχει καλῶσ, τὰ δὲ περὶ τῶν μελλόντων ὁ μέγιστόσ ἐστιν ἀγών. ἀνδρείᾳ μὲν γὰρ καὶ τάχει καὶ ῥώμῃ διενεγκεῖν δόξειεν ἂν καὶ ἑτέρων εἶναί τινων, ἀληθείᾳ δὲ καὶ δικαιοσύνῃ καὶ μεγαλοπρεπείᾳ καὶ τῇ περὶ πάντα ταῦτα εὐσχημοσύνῃ, συμφαίη τισ ἂν τοὺσ ἀντιποιουμένουσ τὰ τοιαῦτα τιμᾶν εἰκότωσ τῶν ἄλλων διαφέρειν. νῦν οὖν δῆλον μέν ἐστιν ὃ λέγω, ἀναμιμνῄσκειν δὲ ὅμωσ δεῖ ἡμᾶσ αὐτοὺσ ὅτι προσήκει πλέον ἢ παίδων τῶν ἄλλων ἀνθρώπων διαφέρειν τοὺσ οἶσθα δήπου.

φανεροὺσ οὖν δεῖ ἡμᾶσ γενέσθαι ὅτι ἐσμὲν τοιοῦτοι οἱοῖ́περ φαμέν, ἄλλωσ τε καὶ ἐπειδή, σὺν θεῷ εἰπεῖν, ῥᾴδιον ἔσται. τοῖσ μὲν γὰρ ἄλλοισ συμβέβηκεν ἀναγκαῖον εἶναι πλανηθῆναι πολὺν τόπον, εἰ μέλλουσιν γνωσθῆναι· τὸ δὲ νῦν ὑπάρχον περὶ σὲ τοιοῦτόν ἐστιν, ὡσ τοὺσ ἐξ ἁπάσησ τῆσ οἰκουμένησ, εἰ καὶ νεανικώτερόν ἐστιν εἰπεῖν, εἰσ ἕνα τόπον ἀποβλέπειν, καὶ ἐν τούτῳ μάλιστα πρὸσ σέ.

ὡσ οὖν ὑπὸ πάντων ὁρώμενοσ παρασκευάζου τόν τε Λυκοῦργον ἐκεῖνον ἀρχαῖον ἀποδείξων καὶ τὸν Κῦρον, καὶ εἴ τισ ἄλλοσ πώποτε ἔδοξεν ἤθει καὶ πολιτείᾳ διενεγκεῖν, ἄλλωσ τε καὶ ἐπειδὴ πολλοὶ καὶ σχεδὸν ἅπαντεσ οἱ τῇδε λέγουσιν ὡσ πολλή ἐστιν ἐλπὶσ ἀναιρεθέντοσ Διονυσίου διαφθαρῆναι τὰ πράγματα διὰ τὴν σήν τε καὶ Ἡρακλείδου καὶ Θεοδότου καὶ τῶν ἄλλων γνωρίμων φιλοτιμίαν. μάλιστα μὲν οὖν μηδεὶσ εἰή τοιοῦτοσ·

ἐὰν δ’ ἄρα καὶ γίγνηταί τισ, σὺ φαίνου ἰατρεύων, καὶ πρὸσ τὸ βέλτιστον ἔλθοιτ’ ἄν. ταῦτα δὲ ἴσωσ γελοῖόν σοι φαίνεται εἶναι τὸ ἐμὲ λέγειν, διότι καὶ αὐτὸσ οὐκ ἀγνοεῖσ· ἐγὼ δὲ καὶ ἐν τοῖσ θεάτροισ ὁρῶ τοὺσ ἀγωνιστὰσ ὑπὸ τῶν παίδων παροξυνομένουσ, μήτι δὴ ὑπό γε τῶν φίλων, οὓσ ἄν τισ οἰήται μετὰ σπουδῆσ κατ’ εὔνοιαν παρακελεύεσθαι.

νῦν οὖν αὐτοί τε ἀγωνίζεσθε καὶ ἡμῖν εἴ του δεῖ ἐπιστέλλετε· τὰ δ’ ἐνθάδε παραπλησίωσ ἔχει καθάπερ καὶ ὑμῶν παρόντων. ἐπιστέλλετε δὲ καὶ ὅτι πέπρακται ὑμῖν ἢ πράττοντεσ τυγχάνετε, ὡσ ἡμεῖσ πολλὰ ἀκούοντεσ οὐδὲν ἴσμεν· καὶ νῦν ἐπιστολαὶ παρὰ μὲν Θεοδότου καὶ Ἡρακλείδου ἥκουσιν εἰσ Λακεδαίμονα καὶ Αἴγιναν, ἡμεῖσ δέ, καθάπερ εἴρηται, πολλὰ ἀκούοντεσ περὶ τῶν τῇδε οὐδὲν ἴσμεν.

ἐνθυμοῦ δὲ καὶ ὅτι δοκεῖσ τισιν ἐνδεεστέρωσ τοῦ προσήκοντοσ θεραπευτικὸσ εἶναι· μὴ οὖν λανθανέτω σε ὅτι διὰ τοῦ ἀρέσκειν τοῖσ ἀνθρώποισ καὶ τὸ πράττειν ἐστίν, ἡ δ’ αὐθάδεια ἐρημίᾳ σύνοικοσ. εὐτύχει.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plato, Epistles, Letter 4

(플라톤, Epistles, Letter 4)

상위

목록

SEARCH

MENU NAVIGATION