Plato, Epistles, Letter 8 19:

ὅθεν αἱ τυραννίδεσ ἐγένοντο αὐτοῖσ. δουλεία γὰρ καὶ ἐλευθερία ὑπερβάλλουσα μὲν ἑκατέρα πάγκακον, ἔμμετροσ δὲ οὖσα πανάγαθον· μετρία δὲ ἡ θεῷ δουλεία, ἄμετροσ δὲ ἡ τοῖσ ἀνθρώποισ· θεὸσ δὲ ἀνθρώποισ σώφροσιν νόμοσ, ἄφροσιν δὲ ἡδονή. τούτων δὴ ταύτῃ πεφυκότων, ἃ συμβουλεύω Συρακοσίοισ πᾶσιν φράζειν παρακελεύομαι τοῖσ Δίωνοσ φίλοισ ἐκείνου καὶ ἐμὴν κοινὴν συμβουλήν·