헬라어 문장 검색 - ΠλατόΕπιστλέ05́

(플라톤, Epistles, Letter 5)

Πλάτων Περδίκκᾳ εὖ πράττειν. Εὐφραίῳ μὲν συνεβούλευσα, καθάπερ ἐπέστελλεσ, τῶν σῶν ἐπιμελούμενον περὶ ταῦτα διατρίβειν·

δίκαιοσ δ’ εἰμὶ καὶ σοὶ ξενικὴν καὶ ἱερὰν συμβουλὴν λεγομένην συμβουλεύειν περί τε τῶν ἄλλων ὧν ἂν φράζῃσ καὶ ὡσ Εὐφραίῳ δεῖ τὰ νῦν χρῆσθαι. πολλὰ μὲν γὰρ ὁ ἀνὴρ χρήσιμοσ, μέγιστον δὲ οὗ καὶ σὺ νῦν ἐνδεὴσ εἶ διά τε τὴν ἡλικίαν καὶ διὰ τὸ μὴ πολλοὺσ αὐτοῦ πέρι συμβούλουσ εἶναι τοῖσ νέοισ.

ἔστιν γὰρ δή τισ φωνὴ τῶν πολιτειῶν ἑκάστησ καθαπερεί τινων ζῴων, ἄλλη μὲν δημοκρατίασ, ἄλλη δ’ ὀλιγαρχίασ, ἡ δ’ αὖ μοναρχίασ· ταύτασ φαῖεν μὲν ἂν ἐπίστασθαι πάμπολλοι, πλεῖστον δ’ ἀπολείπονται τοῦ κατανοεῖν αὐτὰσ πλὴν ὀλίγων δή τινων.

ἥτισ μὲν ἂν οὖν τῶν πολιτειῶν τὴν αὑτῆσ φθέγγηται φωνὴν πρόσ τε θεοὺσ καὶ πρὸσ ἀνθρώπουσ, καὶ τῇ φωνῇ τὰσ πράξεισ ἑπομένασ ἀποδιδῷ, θάλλει τε ἀεὶ καὶ σῴζεται, μιμουμένη δ’ ἄλλην φθείρεται. πρὸσ ταῦτ’ οὖν Εὐφραῖόσ σοι γίγνοιτ’ οὐχ ἥκιστα ἂν χρήσιμοσ, καίπερ καὶ πρὸσ ἄλλα ὢν ἀνδρεῖοσ· τοὺσ γὰρ τῆσ μοναρχίασ λόγουσ οὐχ ἥκιστ’ αὐτὸν ἐλπίζω συνεξευρήσειν τῶν περὶ τὴν σὴν διατριβὴν ὄντων·

εἰσ ταῦτ’ οὖν αὐτῷ χρώμενοσ ὀνήσῃ τε αὐτὸσ καὶ ἐκεῖνον πλεῖστα ὠφελήσεισ. ἐὰν δέ τισ ἀκούσασ ταῦτα εἴπῃ· "Πλάτων, ὡσ ἐοίκεν, προσποιεῖται μὲν τὰ δημοκρατίᾳ συμφέροντα εἰδέναι, ἐξὸν δ’ ἐν τῷ δήμῳ λέγειν καὶ συμβουλεύειν αὐτῷ τὰ βέλτιστα οὐ πώποτε ἀναστὰσ ἐφθέγξατο," πρὸσ ταῦτ’ εἰπεῖν ὅτι Πλάτων ὀψὲ ἐν τῇ πατρίδι γέγονεν καὶ τὸν δῆμον κατέλαβεν ἤδη πρεσβύτερον καὶ εἰθισμένον ὑπὸ τῶν ἔμπροσθεν πολλὰ καὶ ἀνόμοια τῇ ἐκείνου συμβουλῇ πράττειν· ἐπεὶ πάντων ἂν ἥδιστα καθάπερ πατρὶ συνεβούλευεν αὐτῷ, εἰ μὴ μάτην μὲν κινδυνεύσειν ᾤετο, πλέον δ’ οὐδὲν ποιήσειν.

ταὐτὸν δὴ οἶμαι δρᾶσαι ἂν καὶ τὴν ἐμὴν συμβουλήν. ἂν γίγνοιτο τῆσ περὶ ἐμὲ καὶ τὰ ἐμὰ συμβουλῆσ.

εὐτύχει.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plato, Epistles, Letter 5

(플라톤, Epistles, Letter 5)

상위

목록

SEARCH

MENU NAVIGATION