Plato, Epistles, Letter 3 31:

"οὐκοῦν παιδευθέντα," ἔφησθα, "γεωμετρεῖν, ἢ πῶσ; κἀγὼ τὸ μετὰ ταῦτα ὃ ἐπῄει μοι εἰπεῖν οὐκ εἶπον, φοβούμενοσ μὴ σμικροῦ ῥήματοσ ἕνεκα τὸν ἔκπλουν ὃν προσεδόκων, μή μοι στενὸσ γίγνοιτο ἀντ’ εὐρυχωρίασ. ἀλλ’ οὖν ὧν ἕνεκα πάντ’ εἴρηται ταῦτ’ ἐστί· μή με διάβαλλε λέγων ὡσ οὐκ εἰών ἐγώ σε πόλεισ Ἑλληνίδασ ἐρρούσασ ὑπὸ βαρβάρων οἰκίζειν, οὐδὲ Συρακουσίουσ ἐπικουφίσαι βασιλείαν ἀντὶ τυραννίδοσ μεταστήσαντα.