Plato, Epistles, Letter 3 17:

τὸ δὲ μετὰ ταῦτα ὕστερον ἐνιαυτῷ τριήρησ ἀφίκετο καὶ ἐπιστολαὶ παρὰ σοῦ, τῶν δ’ ἐν ταῖσ ἐπιστολαῖσ γραμμάτων ἦρχεν ὡσ, ἂν ἀφίκωμαι, τὰ Δίωνόσ μοι γενήσοιτο πράγματα πάντα κατὰ νοῦν τὸν ἐμόν, μὴ ἀφικομένου δέ, τἀναντία. αἰσχύνομαι δὴ λέγειν ὅσαι τότε ἐπιστολαὶ παρὰ σοῦ καὶ παρ’ ἄλλων ἦλθον διὰ σὲ ἐξ Ἰταλίασ καὶ Σικελίασ, καὶ παρ’ ὅσουσ τῶν ἐμῶν οἰκείων καὶ τῶν γνωρίμων, καὶ πᾶσαι διακελευόμεναί μοι ἰέναι καὶ δεόμεναι σοὶ πάντωσ ἐμὲ πείθεσθαι.